İlk dəfə ixtisaslar üzrə orta aylıq əmək haqqı açıqlanıb

Vergilər Nazirliyi ilk dəfə qeyri-dövlət sektorunda istehsal, tikinti və sosial fəaliyyətdə 30 sahə üzrə orta aylıq əmək haqqını açıqlayıb. Ən çox qazanan bank və sığorta sahələri, metallurgiya sənayesinin rəhbər heyətidir.  

Vergilər Nazirliyi hesabatı dövlət başçısının fərmanı üzrə hazırlayıb və yanvar-sentyabrı əhatə edir. Hesabatda 11 region, o cümlədən iri şəhərlər (Bakı, Sumqayıt, Gəncə və s.) əhatə edilib. 

Bakıda metallurgiya müəssisələrinin menecmenti ayda 2433 manat alıb. Bu, yanvardakından 3,7% çoxdur. Metal əridənlər 4,7 dəfə az – 517 manat qazanıb. Sumqayıtda metallurgiya müəssisələrinin rəhbərləri ( “Azərboru”) sentyabrda 1974 manatов, Gəncədə (Det.Al  Limited) – 1345 manat alıb. Bu şəhərlərdə metal əridənlərə 419,5 və 285,7 manat verilib. 

Maliyyə müəssisələrinin İH sədrləri Bakıda sentyabr ayında 2777 manat alıblar. Bank və kredit təşkilatlarında proqramçılar da yaxşı maaş alır: ayda 2036 manat. Sığorta şirkətlərində direktorlar 2677 manat, proqramçılar 1556 manat alıb. 

Bakıda özəl rabitə müəssisələrində menecment 1787 manat, rabitə operatorları 671 manat alıb.

Bakı karxanalarında maaşda ciddi təzad var. Direktorlar 1467 manat, işçilər 165 manat alır. Bu sahədə yanvarla müqayisədə dəyişiklik olmayıb. Ət emalı müəssisələrində paradoksal mənzərə var: direktorlar 277 manat, qəssablar 545 manat alıb. Bakıda südçülük müəssisələrində direktorlar 676 manat, orta heyət 2 dəfə az alıb.

Analiz göstərir ki, bakı ilə regionlar arasında əmək ödənişində ciddi təzad var. Bakıda tikinti işçiləri orta hesabla 600-900 manat, Gəncədə 2 dəfə az alır. 08D