Azərbaycanda tikinti sektorunda çalışanların sayı 2015-ci ilin eyni dövründə nisbətən 13,6% azalıb. Bu barədə Turan-a Dövlətstatkomda məlumat veriblər.
İlin əvvəlindən iki ayda sektorun işçilərinin orta sayı 88,1 min nəfər olub. Bunun 22,6 mini dövlət sektorunun payına düşür. Dövlət müəssisələrində iş yerini itirənlər 15,6% təşkil edir. Dövlət sektorunda iki ayda inşaatçılara ayda 515 manat (+10,1%) əmək haqqı verilib.
Xarici kapitalın iştirak etdiyi şirkətlərdə yanvar-fevralda 24 min işçi olub. Onların nominal əmək haqqı ayda 1688 manat təşkil edib. Manatın devalvasiyası ilə bağlı 2015-ci ilin fevralından maaşlar üçdə bir indeksləşdirilib.
Yerli şirkətlər işçilərə verdiyi maaşı 10,9% azaldıb. Onlar yanvar-fevralda işçilərinə ayda 383 manat ödəyib.
İnşaat sektorunun işçilərinin 65%-i Bakıda cəmləşib. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz