İqtisadçılar yanacağın qiymətinin artmasının psixoloji təsirindən naharatdır (YENİLƏNİB)

Müstəqil ekspertlər hesab edirlər ki, bazarların qarşılıqlı əlaqəsi qanununa görə, benzin və dizel yanacağının qiymətlərinin artırılması bazarın digər seqmentlərinə də təsir edəcək. Bu, təkcə iqtisadi yox, həm də psixoloji amillərlə izah olunur.

İqtisadçı ekspert Qubad İbadoğlu hesab edir ki, növbəti addım Tarif Şurası tərəfindən ictimai nəqliyyatda gediş haqlarının artırılması ola bilər.

İqtisadçının fikrincə, dünya bazarında qiymətlərin ucuzlaşmasının davamlı hal aldığı bir zamanda Azərbaycanda onun əksinin baş verməsi bir daha subut etdi ki, milli iqtisadiyyatın idarəolunmasında və qiymətlərin inzibati tənzimlənməsində bir vaxtlar hökümətin istifadə etdiyi dünya bazarının konyukturası ilə əlaqəli arqumentlər yalnız siyasi və korporativ məqsədlərə xidmət edib.

Bu da o deməkdir ki, yaxın dövrdə hökümət inzibatı qiymət tənzimlənməsini dünya bazarında baş verənlələ deyil, yerli vergilərin və aksizlərin qaldırılması vasitəsilə əsaslandıraraq istehlakçıların və sahibkarların öhdəliklərini artırıb büdcəyə əlavə vəsait cəlb etmək siyasətinə üstünlük verir.08D

2015 Yanvar 13 (Çərşənbə axşamı) 11:37:36

Azərbaycan Tarif (qiymət) Şurası yol vergisi əlavə olunmaqla Aİ-92 markalı avtomobil benzininin pərakəndə satış qiymətini 1 litr üçün 72 qəpik, dizel yanacağının pərakəndə satış qiyməti isə 1 litr üçün 62 qəpik müəyyən edib. Bu barədə Tarif Şurası məlumat yayıb.

Beləlilklə, ölkədə yol vergisi əvəzində hər litr avtomobil benzinində 2 qəpik qiymət artımı edilib.

Tarif Şurası bildirir ki, neft məhsullarının tariflərinə yanvarın 12-də “Azərbaycan Respublikasının Vergi Məcəlləsində dəyişikliklərin edilməsi haqqında” 2014-cü il 30 dekabr tarixli qanuna uyğun olaraq baxılıb.

Vergi Məcəlləsinə edilən dəyişikliklərə əsasən ölkə ərazisində istehsal edilərək daxili istehlaka yönəldilən və idxal edilən avtomobil benzini, dizel yanacağı və maye qazın hər litrinin topdansatış qiymətinə 2 qəpik əlavə edilməklə yol vergisinin tətbiqi nəzərdə tutulub.

Tarif Şurasının məlumatında deyilir ki, 2015-ci ilədək illik yol vergisini fiziki şəxslər avtonəqliyyat vasitələrinin mühərrikinin həcminə görə texniki baxışdan keçən zaman, hüquqi şəxslər isə balanslarında olan avtonəqliyyat vasitələrinə görə vergi orqanlarına müvafiq bəyannamə təqdim etməklə dövlət büdcəsinə ödəyirdilər. Bu zaman hüquqi və fiziki şəxslər tərəfindən istismara yararsız avtonəqliyyat vasitələrinə görə də onların avtomobil yollarından istifadə edib-etməmələrindən asılı olmayaraq yol vergisi ödənilirdi.

Ekspertlər ynacağın qiymətinə 2 qəpik əlavə ilə yol vergisinin həcminin yetərli qədər artacağını bildirirlər. Ölkədə ildə orta hesabla 1 milyon 300 min ton avtomobil benzini, 700 min tomn isə dizel yanacağı istehlak edilir.-03B-