İqtisadiyyata kredit qoyuluşları ABB kreditlərinin təkrar strukturlaşdırılması hesabına azalıb

2015-ci il noyabrın 1-ə banklar və bank olmayan kredit təşkilatları tərəfindən Azərbaycan iqtisadiyyatına kredit qoyuluşları 18 mlrd 566,4 mln manat təşkil edib. Bu, ilin əvvəlindəkindən 0,1% çoxdur. Mərkəzi Bankdan (AMB) verilən məlumata görə, oktyabr ayında iqtisadiyyata milli valyuta ilə kredit qoyuluşları təxminən 550 mln manat (2,9%) azalıb. Bu, ABB kreditlərinin yenidən strukturlaşdırılması ilə bağlıdır. Qeyd edək ki, bu səbəbdən ilin əvvəlindən iqtisadiyyata investisiya 1 mlrd 529,4 mln manat azalıb. Vaxtı keçmiş kreditlər 1 noyabr üçün 1 mlrd 301,9 mln manat (+33,3%, manatın devalvasiyası qədər) və ya 7% təşkil edib.

Noyabrın 1-i üçün dövlət payına malik olan banklar tərəfindən 5 mlrd 836,7 mln manat (azalma 5%) və ya bütün kreditlərin 31,5%-i, özəl banklar tərəfindən 12 mlrd 163,7 mln manat (artım 2,4%) və ya bütün kreditlərin 65,5%-i həcmində kredit verilib. Qalan məbləğ bank olmayan kredit təşkilatlarının payına düşür.

Verilən kreditlərin 11 mlrd 281,7 mln manatı (azalma 16,5%) milli valyuta, 7 mlrd 284,7 mln manat (artım 44,6%) xarici valyuta ilə verilib.

İstehlak kreditləri yenə liderdir -  7 mlrd 557,1 mln manat (40,7%). Kredit qoyuluşlarının strukturunda 2 mlrd 546,7 mln manat (bütün kreditlərin 13,7%-i) ticarət və xidmət sahələrinin, 247,1 mln. manat (1,3%) energetika, kimya və təbii ehtiyatlar sektorunun, 685,5 mln manat (3,7%) kənd təsərrüfatı və emal sahələrinin, 2 mlrd 468 mln. manat (13,3%) tikinti və daşınmaz əmlak sahələrinin, 1 mlrd 610,3 mln manat (8,7%) sənaye və istehsal sektorunun, 1 mlrd 75 mln manat (5,8%) nəqliyyat və rabitə sahələrinin, qalan məbləğ isə digər sektorların payına düşüb. --17D—