2012-ci ilin iyununda ölkə iqtisadiyyatına kredit qoyuluşunun qalığı 223,3 mln manat və ya 2,1% genişlənərək 10834,8 mln manat olub.
Azərbaycan Mərkəzi Bankının məlumatına görə, son 12 ayda kreditləşmədə 1878,9 mln manat və ya 21% artım olub. Vaxtı keçmiş kreditlərin kreditləşmənin ümumi həcmində xüsusi çəkisi 1 iyul üçün 6,5% olub. Bir il əvvəl bu göstərici 6,2% idi.
Qısamüddətli kreditlər il ərzində 62,9 mln manat və ya 2,1%, uzunmüddətlilər 1816,2 mln manat və ya 30,3% artıb. Sonuncuların qalığı 7805 mln manat olub. Uzunmüddətli kreditlərin xüsusi çəkisi 72% təşkil edib (bir il əvvəl 66,9%).
Kredit qoyuluşunun ümumi həcmində özəl bankların payı 63,3%, Beynəlxalq Bankın payı 34,1% olub. Qalan 2,6% qeyri-bank kredit təşkilatlarının payına düşüb.
Banklar tərəfindən iqtisadiyyatın real sektoruna bütün kreditlərin 98,4%-i, maliyyə sektoruna 1,6%-i yönəldilib. 1 iyul 2012-ci il üçün fiziki şəxslərə 3802,8 mln manat və ya ümumi göstəricinin 35,1%-i, xidmət və ticarət sahəsinə 2891,3 mln manat və ya 26,7%, energetika və təbii ehtiyatlara 273,7 mln manat və ya 2,5%, tikinti və əmlak sahəsinə 1008,2 mln manat və ya 9,3%, sənaye və istehsala 644,3 mln manat və ya 5,9%, nəqliyyat və rabitəyə 413,2 mln manat və ya 3,8%, kənd təsərrüfatı və emala 504,4 mln manat və ya 4,7% və s. kredit verilib.
Xarici valyuta ilə kredit payı 33,8% olub. 2011-cu ilin müvafiq tarixi üçün iqtisadiyyatın xarici valyuta ilə kreditləşməsinin payı 38,2% idi.
Kredit qoyuluşunun 87,1%-i Bakının payına düşüb. Vaxtı keçmiş kreditlərin 84,1%-i də paytaxtın hesabındadır. Ölkə üzrə orta kredit dərəcəsi 15,7%-dir.
(bir ay əvvəl 16,1).
AMB-nin məlumatına əsasən, manat kreditləri üzrə orta faiz dərəcəsi iyunda 0,34% azalaraq 15,65%, xarici valyuta ilə kreditlərdə 0,87 f. b. azalaraq 15,44% olub. İllik kəsimdə manat resursları 0,74 f.b., valyuta resursları 1,24 f.b. ucuzlaşıb.
Bu ilin 1 iyulu üçün manat kreditləri fiziki şəxslərə illik 18,49%-lə, valyuta kreditləri 21,94%-lə verilib. Hüquqi şəxslər üçün bu göstərici müvafiq olaraq 13,74% və 12,62% təşkil edib. --15В--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz