![İran və Azərbaycan arasında energetika sahəsində əlaqələr inkişaf edir](https://turan.az/resized/750/500/resize/media/2016/main/022300147746.jpg)
İran və Azərbaycan arasında energetika sahəsində əlaqələr inkişaf edir
Tehrana qarşı beynəlxalq sanksiyaların ləğvindən sonra İranla Azərbaycan arasında münasibətlərin səviyyəsi sürətlə yüksəlir ki, bu da hər iki ölkə üçün sərfəlidir. Bunu bazar günü İranın energetika naziri Həmid Çitçiyan deyib, İRNA agentliyi bildirib.
Onun sözlərinə görə, İran su təchizatı və elektrik enerjisi sektorunda Azərbaycanla əməkdaşlığı inkişaf etdirmək niyyətindədir.
Xudafərin su qovşağının inşası layihəsinə gəlincə, nazir qeyd edib ki, yaxın vaxtlarda bütün qalan problemlər həllini tapacaq.
Çitçiyan həmçinin bildirib ki, Tehran və Bakı arasında Meşkin-şehr və Xafda istilik və külək elektrik stansiyalarının inşasına dair danışıqlar aparılıb.
Ötən ilin dekabrında İran və Azərbaycan qarşılıqlı anlaşma haqqında memorandum imzalayıblar. Sənəd energetika da daxil olmaqla, 12 müxtəlif sektorda əməkdaşlığı nəzərdə tutur.
İranla Azərbaycan meliorasiya və energetika sahəsində əməkdaşlıq məsələləri üzrə razılıq əldə ediblər. Söhbət Ordubad-Marazad su qovşağının, həmçinin su -elektrik stansiyasının inşasından gedir. Bu layihə çərçivəsində əməkdaşlıq haqqında saziş artıq imzalanıb. İran tərəfi sənədin ölkə parlamentində ratifikasiyası üzrə işlərin sürətləndirilməsinə hazır olduğunu bildirib.
Eyni zamanda Xudafərin və Qız Qalası su qovşaqlarının inşası layihəsi üzrə razılıq əldə edilib, sənədin imzalanması üzrə işlərin sürətləndirilməsinə dair qərar qəbul olunub.
Xatırladaq ki, ötən il Azərbaycan və İran alternativ energetika sahəsində birgə layihələrin reallaşması məqsədilə işçi qrup yaradıblar. –0—
-
- Cəmiyyət
- 23 Fevral 2016 18:25
-
- İqtisadiyyat
- 23 Fevral 2016 18:58
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz