İyun ayinda inşaat materiallarinin qiyməti 0,3% artib

İnşaat materialları bazarında aparılmış monitorinqin nəticələrinə görə, iyun ayında qiymətlər orta hesabla-0,3% artıb. Aparılan araşdırmalar zamanı məlum olub ki, mövsümlə əlaqədar olaraq bazarda nisbi canlanma müşahidə edilmişdir. Son bir ayda qiyməti qalxan inşaat materiallarına dam örtükləri-1%, şüşə-2,4%, mismar-2,7%, alçipanı-1,7% aid etmək olar. Ay ərzində dam örtükləri-2%, dəmir borular-1,5%, şveller-1,5%, sink təbəqələr isə-2,6% ucuzlaşıb. İlin əvvəli ilə müqayisədə qiymətlər 2,3%, ötən ilin müvafiq dövrünə nisbətdə isə 3,0% azalıb. Ay ərzində yerli istehsalın bazardakı payı-52% dən bir qədər çox olmuşdur.

Ekspertlər iyun ayında qiymətlərin bahalaşmasını əsasən mövsümlə əlaqədar olaraq tikinti sektorunda aktivliyin artması və eləcədə idxal olunan məhsulların bahalaşması ilə əlaqələndirirlər. İnşaat materialları bazarında çalışan sahibkarlardan biri qiymətlərin bahalaşması ilə əlaqədar öz fikrini belə ifadə etdi, “ Son bir ayda inşaat materilları bazarında qiymətlərinin qalxmasına idxal olunan məhsulların bahalaşması ilə yanaşı, gömrükdə qoyulan qeyri qanunu ödənişlər də təsir göstərib”. Mütəxəssislər mövsümlə əlaqədar bazardakı aktivliyin davam edəcəyini, qiymətlərdə isə sabitliyin müşahidə ediləcəyini proqnozlaşdırılır.