Bu il mayın 1-i üçün Azərbaycan vətəndaşları keçmiş Əmanət Bankında olan əmanətlərə görə "Kapital Bank" vasitəsilə 595 mln 887 min manat alıblar.
Maliyyə naziri Samir Şərifov dünən parlamentdə bildirib ki, əmanətlərin verilməsi 1 yanvar 2014-cü ilə kimi davam edəcək. 2012-ci ilin 7 ayında əhali 554 mln 712 min manat, bu ilin 4 ayında 41 mln 175 min manat kompensasiya alıb.
Ümumilikdə 1,6 mln hesab üzrə kompensasiya verilib və hər əmanətçi orta hesabla 372 manat alıb.
Birdəfəlik ödənişlər prezidentin 16 mart 2012-ci il tarixli fərmanı ilə ödənilir. Fərman imzalanan vaxt 2,4 mln hesab qeydiyyata alınıb. Onların ödənilməsi üçün 1-1,5 mlrd manat lazım gəldiyi bildirilib. "Kapital Bank" əmanətlərin ödənişi üçün 144 məntəqə yaradıb. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz