![Zabitlər birliyi insan haqları sahəsində ciddi problemlərin qaldığını bildirir](https://turan.az/resized/750/500/resize/media/2013/main/052400037477.jpg)
Zabitlər birliyi insan haqları sahəsində ciddi problemlərin qaldığını bildirir
“Ehtiyatda və İstefada olan Zabitlər” (EİZB) ictimai birliyi cümə günü öz ofisində icra etdiyi “Təhlükəsizlik və müdafiə sektorunda insan hüquqlarına dəstək” layihəsi çərçivəsində dəyirmi masa keçirib.
Birliyin rəhbəri Yaşar Cəfərli layihənin bu sektorda insan haqları ilə bağlı həm maarifləndirici nəşrlər hazırlanması, həm dəyirmi masalar keçirilməsi, həm də konkret hüquqi yardım göstərilməsi kimi aspektləri əhatə etdiyini nəzərə çatdırıb.
Orduda kadrların irəli çəkilməsində problemlər yaşandığına diqqət çəkilib. Belə ki, kadrların hərbi vəzifədə irəli çəkilmələrinin keçirilən attestasiyanın nəticələrinə yox, qohumbazlığa, dostluğa, yerlibazlığa əsasən baş verdiyi iddia edilib. Hər-hansı hərbi təhsilə malik olmayan Rasim Əliyevin Naxçıvanda Heydər Əliyev adına hərbi liseyə direktor təyin olunması, general rütbəsi verilməsi, Müdafiə Nazirliyinin mətbuat xidmətinin rəhbəri Eldar Səfərovun (Eldar Sabiroğlu) polkovnik rütbəsi alması tənqid edilib. Müdafiə Nazirliyinin yuxarı eşelonunda vəzifə sahiblərinin vəzifədə uzunmüddətli olmalarının ordu sistemində yeni generallar təbəqəsinin yarana biləcəyini şübhə altına aldığı qeyd edilib.
Zabitlərə ev verilməsində də problemlər yaşanır. Belə ki, dövlət başçısının bu məqsədlə imzaladığı fərmanda “20 ildən yuxarı qüsursuz xidmətə görə” anlayışının problemlər yaratdığı deyilib. Hər-hansı qüsura görə zabit ailələri evə malik olmaq kimi Konstitusiya hüququndan məhrum olurlar. Həm də ehtiyatda olan zabitlər fərmanın verdiyi imkanlardan yararlana bilmirlər. Bununla bağlı fərman əsasında dövlət proqramı hazırlanması və çoxsayılı evsiz zabit ailələrinin mənzillə təmin olunması təklif edilib. Əsgərlərə verilən qida rasionunun yaxşılaşdırıldığı deyilib, amma bu rasionun milli rasion halına salınmasının problem olaraq qaldığı qeyd edilib.
Natiqlər hərbi prokurorluğa ehtiyac olmadığını, bunun ləğv olunmasını, hərbi cinayətlərlə məşğul olmaq üçün mülki prokurorluqlar yanında kiçik ştatlı şöbələr təkil olunması məqbul sayılıb. Orduda hərbi ombudsman institutunun yaranmasına ehtiyac olduğu önə çəkilib.
Döyüş bölgəsində maaşların 3 dəfədən 2 dəfəyə, cəbhə bölgəsində 1 gün xidmətin 3 gündən 2 günə endirilməsi, növbəti rütbə almaq üçün illərarası müddətin 3 ildən 4 ilə, 5 il xidmətdən sonra könllü olaraq ordu sıralarından tərxis olunma müddətinin 10 ilə, son tərxis üçün yaş həddinin 45-dən 48-ə qaldırılması, işləməyən zabitlərə verilən 11 manat müavinətin ləğvi tənqid edilib, insan haqlarına hörmətsizlik sayılıb. Pensiya təminatı sahəsində ədalət prinsipinin pozulduğu xüsusi vurğulanıb. -05C-
-
- Cəmiyyət
- 24 May 2013 15:55
-
- İqtisadiyyat
- 24 May 2013 16:23
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz