Aprelin 27-də Qax rayonunun Ənbərkənd qəsəbəsində Damazlıq İpəkçilik Stansiyasında barama istehsalı məqsədilə inkubasiya mərhələsi keçən barama toxumlarının fermerlərə paylanması tədbiri keçirilib.
Kənd Təsərrüfatı Nazirliyindən Turan-a bildirilib ki, yüksək keyfiyyətli barama toxumları İrandan və Çindən alınıb.
Həmçinin fermerlerə ipəkqurdunun bəslənməsi qaydaları haqda video-disk və yaddaş vərəqələri paylanılıb.
Təzə baramalar “Şəki İpək” ASC-dən alınacaq. Bu məqsədlə ilkin müqavilə imzalanıb.
Nazirlər Kabinetinin 2016-cı ilin birinci rübünün yekunlarına həsr olunmuş iclasında prezident İlham Əliyev kənd təsərrüfatı istehsalının ayrı-ayrı sahələrində, o cümlədən tütünçülük, pambıqçılıq və ipəkçilikdə nailyyət əldə olunması üçün fermerlərin dəstəklənməsini hökumətə tapşırıb.
Həmin vəzifələrin yerinə yetirilməsində məqsədlərdən biri kəndlərdə məşğulluğun təminatıdır. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz