Kənd təsərrüfatı subsidiyaları üzrə qərar qəbul edilib

Kənd təsərrüfatı subsidiyaları üzrə Respublika Komissiyasının nazir İsmət Abasovun sərdliyi ilə növbəti iclasında istehsalçılara mineral gübrələri dəyərinin 50 faizinə satan şirkətlər subsidiya ayrılması barədə qərar qəbul edilib. 2007-ci ildən fermerlərə mineral gübrələrin satışı zamanı vəsaitin yarısı dövlət büdcəsindən ödənilir. 

Kənd Təsərrüfatı Nazirliyinin məlumatına görə, qərara alınıb ki, beş subsidiya subyektinə 4 mln manat verilsin. “Aqrolizinq” ASC, “Aqrokimya” MMC, “Mikro Az Feed” MMC   və “Gəncə Aqrokimya” MMC dövlət vəsaiti alıb. 

Bu şirkətlər 11700 nəfər istehsalçıya 91630,88 hektara görə 19104,59   ton mineral gübrə satıb. 

Azərbaycanda kənd təsərrüfatı subsidiyaları 2006-cı ildən verilir. 2013-cü ildə büdcədən bu məqsədlə 125 mln manat, mineral gübrələr üzrə 25 mln manat ayrılıb. İndiyəcən mineral gübrələr üzrə 9 mln manat xərclənib. 

2012-ci ildə bu məqsədlə 114 mln manat xərclənmişdi. Bunun 18 mln manatı mineral gübrələr tədarükçülərinə ayrılıb. 

Dövlət başçısı dəfələrlə hökuətdən tələb edib ki, kənd təsərrüfatına subsidiya verilməsi mexanizmini təkmilləşdirsin. Nazir İsmət Abasov bu günlərdə deyib ki, bu il subsidiyalar köhnə qayda ilə vüeriləcək. 08D