Korporativ bazarda azalma

Azərbaycanda korporativ qiymətli kağızlar bazarının göstəriciləri pisləşib. Bu barədə Qiymətli Kağızlar üzrə Dövlət Komitəsinin 2012-ci ilin 9 ayı üzrə məlumatında bildirilir.  

İlin əvvəlindən KQK bazarının həcmi 2% azalaraq 896,5 mln manat təşkil edib. Bazarda bağlanan əqdlərin sayı 24,5% azalaraq 2 730 vahid təşkil edib.   

QKDK-nın hesabatında deyilir ki, mənfi dinamikada İpoteka Fondu xüsusi rol oynayıb. O, istiqraz emissiyasını 50% azaldıb. AİF tərəfindən emissiya olunan istiqrazların ilkin bazarı 62 faiz, təkrar bazarı isə 32 faiz azalıb. Bazarın bu seqmenti bütövlükdə 37 faiz geriləyərək 500 milyon manat təşkil edib. Maraqlıdır ki, istiqrazların ilkin yerləşdirilməsinin həcmi 37,3 mln manat olub. Bu, 2011-ci ilin yanvar-sentyabrından 58% azdır.  

Səhm bazarının seqmentinin strukturunda yerləşdirmənin xüsusi çəkisi 9 ayda 84,5% (335,7 mln manat) təşkil edib. Bir il öncə bu göstərici 67% (81,3 mln manat) idi. İlkin bazarın həcmi ötən ilin eyni dövrü ilə müqayisədə 4,2 dəfə artıb. Qeyd edək ki, bu il “AzərEnerji” ASC 200 mln manatlıq səhm yerləşdirib. Birjadankənar səhm bazarı (42,8 mln manat) 68%, аbirja səhm bazarı (8,8 mln manat) 41% artıb. 08D