Korporativ KTS həyat sığortası ilə rəqabət aparır

Bu ilin 9 ayında həyat yığım sığortası aktivləşib. 51,31 mln manat həyat sığortası mükafatlarının 29,3 mln-u bu növün payına düşür. 

İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 22,01 mln manat mükafat olub. Life insurance-ın başqa növləri üzrə vəziyyət belədir – sağalmaz xəstəliklərdən sığorta 133,8 min manat, ölüm sığortası 3,76 mln. Ümumən bu istiqamət üzrə bütün mükafatların (303,38 mln manat) 16,9%-i toplanıb. 

Mütləq göstəricilər üzrə KTS liderdir. Bu növ üzrə 49,88 mln manat toplanıb. Bu, həyat sığortası ümkafatları ilə müqayisə edilə bilər. Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 48,81 mln manat, avtomobillərin КАСКО sığortası üzrə 42,57 mln manat yığılıb. Əmlakın yanğından və başqa risklərdən sığortası üzrə mükafatlar 36,02 mln manat olub. Bu 4 növ (life insurance nəzərə alınmadan) bazarın 58,43%-i təmin edib. 

Hava nəqliyyatının sığortası üzrə 10,22 mln, yük sığortası üzrə 11,66 mln manat mükafat olub.

Mükafatların çoxu könüllü növlər üzrədir – 202,51 mln manat. Bədbəxt hadisə və xəstəliklərdən sığorta üzrə 7,59 mln manat, hava nəqliyyatı vasitələri sahiblərinin mülki məsuliyyətinin sığortası üzrə 3,82 mln manat, su nəqliyyatının sığortası üzrə 1,16 mln manat yığılıb. 

Avtonəqliyyat vasitələri sahiblərinin mülki məsuliyyətinin sığortası üzrə 1,64 mln manat, xaricə səyahət sığortası üzrə 1,53 mln manat, kənd təsərrüfatı bitkilərinin sığortası üzrə 279,63 min, ev heyvanlarının sığortası üzrə 295,59 min manat, başqa könüllü növlər üzrə 1,04 mln manat toplanıb. 

Ümumi mülki məsuliyyətin sığortası üzrə 3,5 mln manat, işə götürənlərin məsuliyyətinin sığortası üzrə 1,28 mln manat, peşə məsuliyyətinin sığortası  üzrə 526,28 min manat mükafat yığılıb. 

İcbari növlər üzrə 100,88 mln manat mükafat olub. Ay ərzində 10 mln artım təmin edilib. O cümlədən hərbçilərin icbari sığortası üzrə 11,33 mln manat, məhkəmə və hüquq-mühafizə orqanları əməkdaşlarının icbari sığortası 8,65 mln manat mədaxil olub. 

Əmlakın icbari sığortası üzrə 9,68 mln manat, əmlak sahiblərinin mülki məsuliyyətinin icbari sığortası üzrə 267,12 min manat, sərnişinlərin icbari sığortası üzrə 69,42 min manat (ay ərzində 1,6 min manat) toplanıb. --17D—