Korporativ QK bazarının dövriyyəsi 22% artıb

Bu ilin 11 ayında Azərbaycanda korporativ qiymətli kağızlar bazarının dövriyyəsi 1 412,7 mln manat təşkil edib. Bu, ötən ilin eyni dövründəkindən 22% çoxdur. Əqdlərin aktivliyi (4249) 3,4% artıb, deyə Qiymətli Kağızlar üzrə Dövlət Komitəsində Turan-a bildiriblər. 

Korporativ seqmentdə səhmlərin xüsusi çəkisi ilin əvvəlindən 37,2% (526,3 mln manat) artıb. Ötən il 11 ayı ilə müqayisədə səhm bazarında 12% artım olub. İlkin yerləşdirmə həcminin 3% (11 mln manat) azalması buna mane olmayıb. Təkrar səhm bazarının həcmi 139,5 mln manat olub. Bu, ötən ilin eyni dövründəkindən 67,4 mln manat çoxdur. Bakı Fond Birjasının məlumatına görə, bu ilin 11 ayında 16 747,1 min manatlıq səhm alqı-satqı predmeti olub. Beləliklə, səhm dövriyyəsinin əsas hissəsi (122,8 mln manat) birhadan kənar baş verir və informasiya gizlədilir. 

Bu il manatla ilkin yerləşdirmənin (+4,7 dəfə) və təkrar dövriyyənin (+71%) artımı hesabına korporativ istiqraz bazarının həcmi 886.5 mln manat olub. Bu, ötən ilin eyni dövründəkindən 29% çoxdur. İlin əvvəlindən ABŞ dolları ilə 67 mln-luq istiqraz yerləşdirilib. Bu, 2012-ci ilin eyni dövründəkindən 77% azdır. 

Dövlət qiymətli kağızları nəzərə alınmaqla qiymətli kağızlar bazarının dövriyyəsi ilin əvvəlindən 18% azalaraq 7 378 mln manat olub. 08D