Azərbaycan Dövlət Neft Şirkətinin prezidentinin sərəncamı ilə Lidiya Salahova AGSC (Azerbaijan Gas Supply Company) şirkətinin baş meneceri təyin edilib.
Qeyd edək ki, 2015-ci il mayın 1-dən SOCAR AGSC-də operator və South Caucasus Pipeline Company-də kommersiya operatoru olub.
Bu, Norveçin Statoil şirkəti hüquqi baxımdan bu layihələrdən çıxdıqdan sonra baş tutub.
Turan agentliyinin məlumatına görə, L.Salahova son illər AGSC şirkətində baş menecerin müavini postunu tutub. Bundan öncə 5 il SOCAR-ın Qaz İxracı İdarəsində marketinq-menecer vəzifəsində çalışıb.
2007-2009-cu illərdə L.Salahova Silk Way Technics şirkətində müqavilə üzrə menecer olub. Lakin 1998-ci ildən ARDNŞ-də Marketinq və İqtisadi Əməliyyatlar İdarəsində baş mütəxəssis vəzifəsini tutub.
L.Salahova Azərbaycan Dövlət İqtisad Universitetində bakalavr (1994-1998-ci illər), sonra Azərbaycan Dövlət Neft Akademiyasında magistr (2006-2008-cı illər) dərəcəsini (ABŞ-ın Corciya Universitetinin birgə təhsil proqramı) alıb.–12В--
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz