Macar şirkətinin filialı qanunsuz olaraq qiymətli kağızlara investisiya xidməti təklif edib

“Life Division” (Macarıstan) şirkətinin Bakı filialı müvafiq lisenziya alınmadan aktivlərin idarəedilməsi fəaliyyəti üzrə xidmətlərin təklif edib. Nəzarət orqanı həmin fəaliyyətin dayandırılması barədə göstəriş verib, deyə Azərbaycan Respublikasının Qiymətli Kağızlar üzrə Dövlət Komitəsi (QKDK) məlumat verir.

QKDK 9 apreldə “Life Division” и “İnnovative İnternational Group Ltd”nin () müştərisi olan Azərbaycan investorlarını bu şirkətlərin fəaliyyətlərinin qanunsuz olması barədə xəbərdar edib. Qanunvericiliyə əsasən, aktivlərin idar edilməsi peşəkar fəaliyyət növüdür və lisenziya tələb edir. “Life Division” şirkətinin Bakı filialı bu fəaliyyəti dayandırdığını bildirib.

Azərbaycanda aktivlərin idarə edilməsi üçün lisenziyası olan (avqust2013) yeganə şirkət “İnvest Az Asset Management”dir.

“Life Division” MMC bakı filialını bu ilin 18 martında yaradıb. Direktoru Nigar Atabəylidir.

Turan Atabəylidən faktla bağlı şərh ala bilməyib. Çünki “Life Division” filialının telefonu və internet resursu yoxdur.

“Life Division” MMC bolqarıstan, Estoniya, Rusiya, Ukrayna və başqa ölkələrdə işləyir.

“Life Division” “İnnovative Securities Limited” holdinqinin (Yeni Zelandiya) üzvüdür. Şirkət bu holdinqin investisiya portfelini idarə edir. Holdinq 2008-ci ildə “İnnovative İnternational Group Ltd” (London) tərəfindən yaradılıb.

Bu maliyyə vasitəçisinin yeganə məhsulu “PROFIT MAX”dır. O, portfel çərçivəsində müştərilərə investisiya xidməti təmin edir. 08D