Hakimiyyət növbəti bayrama: 10 may- Heydər Əliyevin doğum gününə hazırlığa start verib. Həmin gün Gül bayramı adı ilə təntənəli şəkildə qeyd olunur.
Bayramın mahiyyəti aydın deyil, ancaq H.Əliyevin qırmızı qızıl gülləri çox sevdiyi deyilir.
Bir neçə ildir ki, həmin gün xarici ölkələrdən bahalı güllərin gətirilməsinə böyük vəsait sərf olunur. Dünyanın hər yerindən Bakıya tonlarla gül gətirilir. Hakimiyyət xərcləri açıqlamır, amma qeyri-rəsmi məlumatlara görə, söhbət on milyonlarla manatdan gedir.
Görünür, bu dəfə hakimiyyət əvvəlki rekordları geridə qoymağı qərara alıb və bir ay öncədən hazırlığa başlayıb. Hələlik ənənəvi olaraq bayramın keçirildiyi Milli Konservatoriyanın qarşısındakı bağ əhatəyə alınıb. Canlı güllər üçün konstruksiyaların qurulmasından ötrü ora lövhələr, karkaslar qoyulur.
Lakin bu il bayram Qış bulvarını da əhatə edəcək. Burada analoji qurğuların inşasına başlanılıb. Beləliklə, bayram tədbirlərinin ərazisi bir neçə dəfə böyüyür.
Bu tədbirlər hər zaman olduğu kimi indi də ətraf zonaların sakinlərinə və piyadalara problem yaradır. Belə ki, qarşı küçəyə keçmək üçün böyük dövrə vurmaq lazımdır.
Meriyanın və hakimiyyətin öz vətəndaşlarına bu cür münasibəti yeni xəbər deyil. Əsas məsələ analoqumuzun olmadığını özümüzə də sübut etməkdir. -02В-
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz