Maliyyə naziri Samir Şərifov 2015-ci ilin büdcəsinin icrası barədə hesabat verib. Onun sözlərinə görə, büdcə kəsiri 2,3 mlrd manat (11,6%) olub və bu, Neft Fondundan transfertlərin azalması ilə bağlıdır.
Onun sözlərinə görə, qeyri-neft sektorunda gəlirlər 6,95 mlrd manat (+3% və ya 200 mln manat) təşkil edib. Vergidə bu seqmentin payı 40,5%-dir .
«Sosialyönümlü xərclərin prioritetliyi saxlanılaraq, həmin məqsədə büdcə xərclərinin 32,1 faizi və ya 5 milyard 752 milyon manatı yönəldilib ki, bu da 2014-cü illə müqayisədə 5,0 faiz çoxdur», - deyə Şərifov bildirib. 2015-ci ildə dövlət büdcəsindən təhsil xərclərinə 1 milyard 605 milyon manat, səhiyyəyə 708 mln manat, sosial müdafiə və təminata 1 mlrd 857 mln manat, ölkənin təhlükəsizliyinin və müdafiə qabiliyyətinin artırılması, hərbi qulluqçuların sosial müdafiəsinin təmin edilməsi üçün dövlət büdcəsi xərclərinin 17,9 faizi həcmində vəsait ayrılıb.
Naxçıvanın büdcəsi üçün 331 mln manat, o cümlədən investisiya layihələrinə 33 mln mant xərclənib. Dövlət kapital qoyuluşu həcmi 3 mlrd 659 mln manat təşkil edib.
2015-ci ildə hökumət tərəfindən cəlb olunmuş kredit xətləri hesabına 1,7 milyard manat, Dövlət Neft Fondunun vəsaiti hesabına 994,0 milyon manat məbləğində vəsait iri infrastruktur layihələrinin maliyyələşdirilməsi üçün istifadə edilib.
Xatırladaq ki, 2015-ci ildə dövlət büdcəsinin gəlirləri 19 mlrd 438 mln manat, xərcləri 21,1 mlrd manat, kəsir 1 mlrd 662 mln manat (ÜDM-in 2,8%-i) təsdiq edilib. -- 17D—
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz