Kənd təsərrüfatı məhsulları ilə təminatı artırmaq, daxili bazarı qorumaq üçün Azərbaycan kənd təsərrüfatı məhsullarının idxalına kvota qoya bilər. Kənd təsərrüfatı naziri Heydər Əsədov yanvarın 10-da Nazirlər Kabinetinin 2015-ci ilin yekunlarına həsr edilmiş iclasında deyib ki, onların bir qisminin idxalı zamanı kvota, mövsümi rüsumlar kimi alətlər tətbiq edilə bilər.
Nazir hesab edir ki, bir sıra qonşu dövlətlər sistemsiz olaraq bir-birinə meyvə-tərəvəz məhsulları üzrə sanksiyalar tətbiq edir. Bu, Azərbaycanın daxili ərzaq bazarımıza idxal təzyiqini artırmaqla ciddi təsir göstərə bilər.
Heydər Əsədov Azərbaycan prezidentinin ölkənin Ümumdünya Ticarət Təşkilatına daxil olmaması barədə qərarını «ən müdrik qərar» adlandırıb. Azərbaycan müxtəlif yollarla Türkiyədən əvvəllər Rusiyaya ixrac edilən kənd təsərrüfatı məhsullarının idxalına məhdudiyyət qoyur.
Kənd Təsərrüfatı Nazirliyinin məlumatına görə, 2015-ci ildə Azərbaycandan $312 mln məbləğində kənd təsərrüfatı məhsulları ixrac edilib. Bu, əvvəlki ildəkindən 7,2% çoxdur. 08D
İqtisadiyyat
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
Rəy yaz