![Maliyyə Nazirliyinin hesabatı](https://turan.az/resized/./turan-750-500-resize.webp)
Maliyyə Nazirliyinin hesabatı
Maliyyə Nazirliyi ötən il dövlət büdcəsinin icrası haqqında yekun hesabatın operativ variantını açıqlayıb. Ötən il gəlirlər 18 mlrd 400,5 mln manat, xərclər 18 mlrd 699,3 mln manat, kəsir 298,8 mln manat və ya ÜDM-in 0,5%-i qədər olub.
Büdcə gəlirləri strukturunda Vergilər Nazirliyinin xətti ilə daxilolmalar 7 mlrd 113,6 mln manat (plan 100,2% yerinə yetirilib), o cümlədən qeyri-neft sektorundan daxilolmalar 4 mlrd 306,6 mln manat (2013-cü illə müqayisədə artım 14,3%) təşkil edib.
Dövlət Gömrük Komitəsinin xətti ilə daxilolmalar 1 mlrd 510,8 mln manat (plan 100,1% yerinə yetirilib), Dövlət Neft Fondundan transfertlər 9 mlrd. 337 mln. manat təşkil edib. Qalan məbləğ digər gəlirlərin payına düşüb. 2014-cü ilin dördüncü rübündə dövlət büdcəsinə daxilolmalar 4 mlrd. 329,9 mln. manata bərabər olub.
Maliyyə Nazirliyinin məlumatına əsasən, 2014-cü ildə müdafiə xərclərinə 2,1%, səhiyyə xərclərinə 7,5%, sosial müdafiə və sosial təminat xərclərinə 12,6%, mənzil və kommunal təsərrüfatı xərclərinə 4,7%, təhsil xərclərinə 8,2% çox vəsait yönəldilib.
Dövlət büdcəsi xərclərinin 24%-i və ya 4 mlrd 485,8 mln manat sosial təyinatlı tədbirlərin maliyyələşdirilməsinə yönəldilib. Bu, 2013-cü illə müqayisədə 9,9% çoxdur.
2014-cü ildə dövlət büdcəsindən dövlət əsaslı vəsait qoyuluşu 6 mlrd 259 mln manat təşkil edib. Bu xərclərin dövlət büdcəsi xərclərinin tərkibində xüsusi çəkisi 33,5% olub
Ötən ilin dördüncü rübündə dövlət büdcəsinin xərcləri 6 mlrd 5,8 mln manat olub.
Azərbaycanın 2014-cü il dövlət büdcəsinin gəlirləri 18 mlrd 384 mln manat, xərcləri 20 mlrd 63 mln. manat həcmində təsdiq edilib. Büdcə kəsiri 1 mlrd 679 mln manat və ya ÜDM-in 2,87%-i səviyyəsində proqnozlaşdırılıb. --17D—
-
- İqtisadiyyat
- 29 Yanvar 2015 14:08
-
- İqtisadiyyat
- 29 Yanvar 2015 14:31
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz