MasterForex Azərbaycan maliyyə bazarında

MFX Group şirkəti (MasterForex) Bakıda ofis açıb. Ofis xərclərinin dörddə birini Sankt-Peterburq biznesmenləri, qalanını AFB bank qoyub. 

"İnterfaks-Azərbaycan" agentliyinin mətbuat mərkəzində mətbuat konfransında holdinqin baş direktoru İqor Volkov deyib: “Biz MDB bazarı üzrə fəaliyyətimizə Bakıdan başladıq, çünki Azərbaycan bu məkanın ən sürətli inkişaf edən ölkəsidir”. 

Şirkət burda iki aksiya keçirir. “Birinci aksiya “Biz Sizin pullarınızı 2 dəqiqəyə iki dəfə artıracağıq” adlanır. Layihə piramida üsulu ilə işləyir və yeni iştirakçıların gəlməsindən asılıdır. Əmanətçilər yaxşı işləsə, 1 il inkişaf edə bilər. Yeni iştirakçılar gətirməklə və layihəni reklam etməklə müddəti uzatmaq olar. Nəticədə əmanətçi divandan qalxmadan qazana bilər. 

İkinci aksiya isə “Yeni ili Sankt-Peterburqda keçir” adlanır və yeni başlayan treyderlər üçün nəzərdə tutulub. İkinci aksiyanın qalibi dekabrın 5-dək ən böyük ticarət balansına malik olan treyder olacaq”, - deyə Y.Jidkov vurğulayıb.

İri depozit sahibləri təhlükəsiz treydinq üçün hesab əldə edir və pulları bankda saxlayıb valyuta bazarında ticarət imkanı qazanır. Volkovun sözlərinə görə, müştəri bankda hesab açmış kimi müdafiə əldə edir. 

Bakı MasterForex-in diqqətini cəlb edən ilk MDB şəhəridir. 

Azərbaycanda ilk tərəfdaş bank AFB bankdır. İkinci ofis Tbilisidə açılacaq. 

MFX Group 2006-cı ildə yaradılıb. 2007-ci ildə sent hesabları açıb. Bundan sonra yeni başlayan treyderlər ticari strategiya formalaşdırıb bazarla tanış ola bilərlər. 

Onun müştərilərə xidmət üzrə öz standartı, beynəlxalq departamenti var. Əməkdaşları müştərinin problemini dünyanın əsas dillərində həll etməyə hazırdır. Şirkət ECN-hesab (Electronic Communication Network) açıb. Burda satıcılar və alıcılar vasitəçi olmadan birja malları ilə ticarət edir. --17D—