“Kasko Waste Service” Azərbaycan-Finlandiya şirkətinin səhmdarları 6 dekabrda onun ləğvi üçün yığışacaqlar. 1997-ci ildən fəaliyyət göstərən məişət tullantısı yığımı və nəqli üzrə ilk özəl şirkət dövlət büdcəsindən çoxlu dotasiya alan dövlət sektoru üzrə rəqabəti uduzub.
“Kasko Waste Service” MMC məişət tullantısı yığımı bazarına iki zibilyığan texnika ilə daxil olub və Yasamal və Səbail rayonlarında işləyib. Bir vaxtlar şirkətin 500 işçisi olub. İndi orda 10 nəfər qalıb. Şirkətin səhmdarları ziyanı ödəyə bilmir, çünki ölkədə məişət tullantısı yığımı və nəqli tarifləri bazarın tələbinə cavab vermir, deyə “Kasko Waste Service” İH-də düşünürlər.
Son 5 ildə Azərbaycan hökuməti dövlət büdcəsi və Çin hökumətinin qrantı ilə yüzlərlə kommunal texnika və konteyner alıb, onları kommunal xidmətlərə verib. Özəl sektor qeyri-bərabər vəziyyətə düşüb. Buna qədər daha 2 kommunal şirkət ləğv edilib: “UP Azerbaijan” (Azərbaycan-Almaniya birgə müəssisəsi) və “Kasko SP” (Azərbaycan-Çexiya-Finlandiya). Bu gün Azərbaycanda bircə kommunal şirkət fəaliyyətdədir – “ADES” (Azərbaycan-Almaniya).
“Kasko Waste Service”in təsisçiləri bir fin şirkəti, iki Azərbaycan şirkəti (cəmi 80% pay) və Əmlak Məsələləri Dövlət Komitəsidir (20%). 08B
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz