30 il əvvəl Xəzərin Qazaxıstan sektorunda batan "Azərbaycanın 60 illiyi" qazma qurğusu gəmiçilik üçün təhlükədir, deyə Qazaxıstanın nəqliyyat prokurorluğu bildirir.
"Xəzərin sularında batan gəmilər, konstruksiyalar, qazma qurğuları gəmiçilik üçün potensial təhlükədir.
Məsələn, "Azərbaycanın 60 illiyi" qazma qurğusu 1 mil radiusda gəmiçilik üçün təhlükədir, batan obyektin rayonunda dənizin dibindən naməlum qaz qalxır”, - deyə prokurorluq bəyan edir.
1983-cü ilin sentyabrında “Rakuşeçnı” burnundan 23 km məsafədə 43 metr dərinlikdə quyu qazan zaman qəza baş verib: "Azərbaycanın 60 illiyi" qazma qurğusu batıb, qaz fontanı 50 metr yüksəyə qalxıb. Atmosfer çirklənməsin deyə qazı yandırıblar. Beş gündən sonra məşəl sönüb, amma 1991-ci ildə yenidən fontan başlayıb.
12 sentyabr 2012-ci ildə “Jayık” hidroqrafiya gəmisi Xəzər şelfində hidroqrafik naviqasiya vəziyyətini öyrənəndə batan "Azərbaycanın 60 illiyi" qazma qurğusundan qaz-su fontanı müşahidə edib.
Batan qurğu 1984, 1988, 1996 və 2005-ci ildə müayinə edilib. Rəydə deyilir ki, "Azərbaycanın 60 illiyi" qazma qurğusu ciddi zədə alıb və təmir və bərpası mümkün deyil. Çoxlu xərc tələb etdiyi üçün onun sudan çıxarılması məqsədəuyğun sayılmayıb. Qurğu “Xəzərdənizneftqazsənaye” birliyinin balansından silinib. --12D—
İqtisadiyyat
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
-
2024-cü ildə Azərbaycanın "Vahid Pəncərə" İxrac Dəstəyi Mərkəzi müəssisə və fiziki şəxslərdən 1,747 sorğu qəbul edərək 3,982 ixrac sertifikatının verilməsini təmin edib. İqtisadi İslahatların Təhlili və Kommunikasiyası Mərkəzinin icraçı direktoru Vüsal Qasımlının sözlərinə görə, bu səylər 288,2 milyon ABŞ dolları dəyərində ixrac əməliyyatlarını dəstəkləyib.
Rəy yaz