Gələn il Azərbaycanda elektron ödənişlər sahəsinin genişləndirilməsi Dövlət Proqramının (2013 – 2017-ci illər) təsdiqi mümkündür.
AMB İH sədrinin birinci müavini Alim Quliyev parlamentdə jurnalistlərə bildirib ki, sənədin layihəsinə 20-dən çox dövlət və hökumət strukturu təkliflər verib. Bu, cari ilin sonu-gələn ilin əvvəlində proqramın təsdiqinə inam yaradır.
Biz nağdsız hesablaşmaları Baltikyanı ölkələr səviyyəsinə çatdıra bilərik. Bu gün hesablaşmalarda plastik kartların xüsusi çəkisi 3%-dir və bu, narahatlıq doğurur, deyə bankir bildirib.
Onun sözlərinə görə, proqramda məqsəd hüquqi bazanı təkmilləşdirmək, ödəniş sistemlərinin institusional bazasının inkişafı elektron ödəniş sistemlərinin potensialının gücləndirilməsi, regionlarda nağdsız hesablaşmaların inkişafıdır.
Alim Quliyev 200 və 500 manatlıq əskinasların buraxılması məsələsinə də toxunub. Bunun devalvasiya və ya inflyasiya ilə bağlı olmadığını deyib. Tədavülün vaxtı məlum deyil.
Sosial ipotekadan danışarkən o qeyd edib ki, hökumət AMB-nin maksimal ipoteka tavanının 35 mindən 50 min manata qaldırılması təşəbbüsünü dəstəkləyir. --17D--
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz