Misirin turist missiyası Bakıdadır
Misir turizm sahəsində Azərbaycanla ikitərəfli əməkdaşlığı genişləndirmək istəyir. Bu məqsədlə Misir Turizm İdarəsi və Misir Otelçilər Assosiasiyasının rəhbərlərindən ibarət missiya mayın 16-da Bakıda Fairmont Baku otelində təqdimat keçirib.
Misirin Azərbaycandakı fövqəladə və səlahiyyətli səfiri Suzan Cəmil bildirib ki, bu səfərin əsas məqsədi iki ölkə arasında turizm əlaqələrinin inkişaf etdirməkdən ibarətdir. Bu görüş Misirlə Azərbaycan arasında turizm sahəsində əməkdaşlığın yeni mərhələsidir.
İki ölkə arasında turizm sahəsində əməkdaşlığı inkişaf etdirmək məqsədi ilə Misirin 13 aparıcı turoperatorunun nümayəndələri Azərbaycanın turizm şirkətləri ilə əlaqələri qurmaq məqsədi ilə Bakıya gəliblər.
Onlar Azərbaycan turistlərinə yüksək keyfiyyətli xidmət paketi təklif edir. İyunun 3-dən “Misir Hava Yolları” Bakıdan Şarm əl-Şeyxə reyslərə başlayacaq. Reyslər cümə günləri Airbus-320 təyyarələri ilə olacaq. Biletin qiyməti orta hesabla 350 ABŞ dolları təşkil edəcək. Bilet bir il ərzində qüvvədə olacaq.
«Misir prezidenti Əbülfəttah Sisi Azərbaycanlı həmkarını martın 27-də Qahirəyə rəsmi səfərə dəvət edib. Hesab edirəm ki, turizm vasitəsilə iki ölkə arasında siyasi əlaqələr də inkişaf edəcək», - deyə Misir Otelçilər Assosiasiyasının rəhbəri Əhməd Əyyub bildirib.
2011-2013-ci illərdə Azərbaycandan turist axını bir qədər azalandan sonra Misir kurortlarının populyarlığı yenidən artıb: son iki ildə bu ölkəyə Azərbaycandan minlərlə turist gedib.
Qeyd edək ki, Cənubi Sina və Qırmızı dəniz regionu qubernatorları, Misir Turizm İdarəsi və Misir Otelçilər Assosiasiyasının nümayəndələri Bakıdadır. 08C
-
- İqtisadiyyat
- 16 May 2016 14:38
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz