Moskva Azərbaycanın işğal olunmuş ərazilərinə gedən avtomobillər üçün məsuliyyət daşımayacaq

Azərbaycanla Rusiya Green Card beynəlxalq sistemi çərçivəsində müqavilə imzalanacaq, deyə İcbari Sığorta Bürosunun (İSB) icraçı direktoru Elxan Quliyev VII Azərbaycan Beynəlxalq Sığorta Forumunda bildirib. Onun sözlərinə görə, ötən həftə Rusiya tərəfi ikitərəfli müqaviləni imzalamağa hazır olduğunu təsdiq edib. “İndiyədək müəyyən problemlər olub. Azərbaycanın işğal olunan ərazilərində polislərin qüvvədə olması ilə bağlı danışıqlar altı aydan artıq davam edib. İndi bu məsələlər öz həllini tapıb”, - deyə E.Quliyev bildirib. Məsələ Azərbaycanın ərazi bütövlüyü çərçivəsində həll edilib. İşğalçı ordu ərazidən çıxarılandan sonra Rsuiya sığortaçıları tammiqyaslı polis vemək imkanı əldə edəcək.

Green Card-ın səmərəliliyindən danışarkən o, qeyd edib ki,bu ilin 5 ayında 224 min manatlıq 1 min. 444 sığorta müqaviləsi bağlanılıb.

Green Card 1951-ci ildən fəaliyyət göstərir. Sazişə əsasən, üzv ölkələrin hər biri tərəfindən verilmiş avtonəqliyyat vasitəsi sahiblərinin mülki məsuliyyətinin sığorta şəhadətnaməsi həmin sazişin iştirakçısı olan digər dövlətlərin ərazisində etibarlı sayılır. Bu sistemə 48 ölkə daxildir: Avropa ölkələri, İsrail, Mərakeş, Tunis və İran.

Azərbaycanı Green Card-da İcbari Sığorta Bürosu (İSB) təmsil edir. Onun üzvü olan 16 şirkətin 13-ü AVSMMİS polisi sata bilir və Green Card sisteminə qoşulub. --17D—