Müvafiq strukturlar "Azərişıq"ASC-nin auditini aparmalıdır, Osman Gündüz

Bakı/15.08.18/Turan: Multimedia Mərkəzinin rəhbəri Osman Gündüz "Azəriqşş" ASC-nin auditinə dair bəzi təkliflər verib.

O. Gündüz "Facebook" səhifəsində qeyd edib ki, "Azərişıq" elektrik şəbəkəsinin və informasiya sisteminin auditinin aparılmasında maraqlı deyil.

"Əgər istəmirlərsə, onda aidiyyatı dövlət qurumları buna münasibət bildirməlidirlər. Çünki "Azərişıq" təbii inhisar subyektidir", deyə o yazıb.

O. Gündüz qeyd edib ki, enerji satışı ilə bağlı bütün prosedurlar, sərfiyyatı ölçən avadanlıq və onun ölçülməsi, məlumatların ötürülməsi, hesablamalar, bütün satış mərhələləri də yalnız bu qurumun nəzarətindədir.

Onun fikrincə, elektrik enerjisindən istifadə ilə bağlı son ayda daxil olan bildirişlərdəki məbləğlə real sərifyyat arasında kəskin uyğunsuzluğun olması ilə bağlı çoxsaylı şikayətləri nəzərə alaraq şirkətdə audit keçirilməlidir.

"Müstəqil ekspertlər və beynəlxalq qurumların da bu prosesə cəlb edilməsi daha doğru yanaşma olardı. Əgər qanunvericilik məcburi auditə imkan vermisə, onda qanunverici baza yenilənməlidir".

O, hesab edir ki, "Azərişığ"-ın mərkəzi serveri və sayğacalar arasında mövcud informasiya şəbəkəsinin iş prinsipi audit olunmalıdır .
Bundan başqa, o, təklif edir ki, şikayətlərin kütləvi olmasını nəzərə alaraq Ombudsman ciddi araşdırma aparmalı və istifadəçilərn hüquqlarını qorumaq üçün tədbirlər görməlidir. "Azərişıq" isə hər bir istifadəçinin internetdən öz sayğacının məlumatlarına daxil olması və uzaqdan idarə etməsi üçün imkanlar yaratmalıdır.

"Azərişıq"-da ictimai nəzarət imkanlarını daha yaxşı reallaşdırmaq üçün İctimai Şuranın formalaşdırılması faydalı olardı. Şirkət öz internet resursunu yenidən qurmalı, mobil texnologiyalardan isifadə etməklə daha əlçatan etməldir və ictimai əhəmiyyət kəsb edən bütün informasiyaları açıqlamalıdr. Şəffaflıq təmin olunmalıdır".

Qeyd edək ki, "Turan" artıq yazmışdı ki, ötən şənbə günü "Azərişıq" ASC jurnalistləri və multimediya eksperti Osman Gündüzü abonentlərin istifadə olunan elektrik enerjisi üçün borclarının hesablanmasında fırıldaqçılıq haqqında yayılmış informasiyaların yalan olduğuna inandırmaq üçün dəvət etmişdi. İyul ayında Azərbaycanda qeyri-adi isti hava müşahidə olunandan sonra abunəçilər iki dəfə çox ödəniş məbləği olan bildirişlər alıblar. Vətəndaşlar xüsusən ona görə narazıdır ki, onlar ayı və ya onun bir hissəsini şəhərdən kənarda keçirdiyi halda, yüksək elektrik ödənişləri barədə bildirişlər gəlib.

Şirkət nümayəndələri isə iddia edir ki, havanın temperaturu xüsusilə yüksək olan zamanlarda kondisioner və soyuduculardan çox istifadə edilir.

Osman Gündüz "Azərişığ"ın ictimaiyyətlə ünsiyyət qurmağa və ortaya çıxan məsələləri aydınlaşdırmağa hazır olmasından razıdır. Amma faktiki olaraq, ASC-nin nümayəndələri cəmiyyətin aktual suallarına cavab verməyib. Qonaqları mərkəzi server, bilinq sistemi və problemi aydınlaşdırılması üçün vacib olan digər texniki məsələlərə tanış etməyiblər. Şirkətin nümayəndələri sayğac oxumalarının bir mərkəzdən süni şəkildə şişirdilmədiyini sübut etməyiblər. Bundan əlavə, məlum olub ki, "ağıllı" elektron sayğacları ASC-nin kompüter mərkəzindən idarə etmək, ödəniş məbləğini dəyişdirmək, elektrik enerjisi təchizatını dayandırmaq mümkündür. Belə görünür, arzu edilərsə və ya yuxarın əmrlə şirkət sayğacların göstəricisinə təsir edə bilər. -71D-