NABUCCO kommersiya məsələlərində ТАР-a qalib gələ bilmir

İnanırıq ki, “Şahdəniz” konsorsiumu bu layihənin lehinə qərar çıxaracaq, çünki təkliflərimiz daha əlverişlidir. Bu barədə “Nabucco ” konsorsiumunun icraçı direktoru Reynhard Mitçek Bakıda jurnalistlərə bildirib. 

Onun sözlərinə görə, "“Şahdəniz” konsorsiumu Nabucco-West layihəsini seçsə, 2014-cü ildə hazırlıq, 2015-ci ildə tikinti, 2019-cu ilin əvvəlində qaz idxalı başlanılacaq".

Mitçek deyib ki, tranzit ölkələrin Nabucco West çərçivəsində 2030-cu ildə qaza tələbatı 43 mlrd m3 olacaq. Qonşu ölkələrlə birgə qaza tələbat 246 mlrd m3-a artacaq. Nabucco-West Avropa ölkələrinin qaza tələbatının 8-10%-i ödəyə bilər. 

"Məqsədimiz qaza tələbatı tam təmin etmək yox, onun inkişafıdır", - deyə Mitçek bildirib. 

O deyib ki, layihə çərçivəsində Balkan ölkələri, Slovakiya, Çexiya, Polşa, Fransa, Almaniya və Ukraynaya da qaz ixrac etmək olar"

Turan agentliyi məlumatlı mənbələrdən öyrənib ki, gerçəkdən Nabucco-West-in ТАР-la müqayisədə bir sıra üstünlükləri var. Amma Nabucco-West boru yarışında lider ola bilməyib. Məlumdur ki, boru tikintisi və tranzit xərcləri də həll edilib. Açıq qalan məsələ "qaz kommersiyası", yəni idxalı şirkətlərin qazı neçəyə almasıdır (qaz formulu və müddət). Ona görə “Şahdəniz” ekspertləri 2 həftədə bu istiqamətdə güclü danışıqlar aparmalıdır. --12B--