![Nabucco West layihəsi canlanır](https://turan.az/resized/media/2012/main/101800015157-750-500-resize.webp)
- İqtisadiyyat
- 18 Oktyabr 2012, 12:00
- 65
Nabucco West layihəsi canlanır
Son on ildə ilk dəfə Nabucco Gas Pipeline International GmbH təmsilçiləri Nabucco-nun, daha doğrusu, onun qısa variantı Nabucco West-in iqtisadi aspektlərindən danışıblar. Bu kəmər türkiyə-Bolqarıstan sərhədindən Avstriyanın qərbindəki qaz xabı Baumqartenə uzanacaq.
Bu barədə Nabucco Gas Pipeline International GmbH mətbuat katibi Kristian Dolezal VI Xəzər neft-qaz ticarət-nəqliyyat konfransında bildirib. Onun dediklərindən məlum olur ki, şirkətdə layihə üzrə qızğın iş gedir. Bunu onun təmsilçilərinin indiki bəyanatları da göstərir: əgər əvvəllər onlarda siyasi aspekt üstünlük təşkil edirdisə, indi rəqəmlər daha çox işlənir. Yəni indi layihə kommersiya müstəvisinə keçir.
Dolezalın məlumatına əsasən, Nabucco West-in bir sıra üstünlükləri yaranıb: artıq dəqiq marşrut və qaz kəmərinin uzunluğu müəyyən edilib - 1320 km. Kəmərin ərazisindən keçdiyi ölkələr arasında hökumətlərarası saziş imzalanıb. Kəmərin ətraf mühitə təsiri ilə bağlı ekspertiza keçirilib (təkcə Rumıniya qalıb). Aİ layihəyə güclü siyasi dəstək verir. Qaz kəmərinin uzunluğu xeyli azaldığı üçün maliyyə institutlarının kredit ayrılmasında xüsusi rsikləri yoxdur. Bütün bunlar layihəyə gözlənildiyindən çox təkan verir.
Onun sözlərinə görə, boru kəməri elə çəkiləcək ki, Azərbaycan yataqlarından iri həcmdə qaz qəbul edə bilsin. Hazırda 48 düymlük boru kəməri, proqnoza görə, ildə maksimum 23 mlrd m3 qaz ötürə bilər. Amma zərurət olsa, nasos stansiyalarının imkanlarını genişləndirməklə Nabucco West-in gücünü minimal 10 mlrd m3-dən 31 mlrd m3-ə artırmaq olar.
Qeyd edək ki, 2013-cü ilin iyununda "Şahdəniz" səhmdarları Azərbaycan hökuməti ilə razılaşdırdıqdan sonra Avropaya yekun marşrtu seçəcəklər. Hazırda iki boru kəməri arasında mübarizə gedir: ТАР və Nabucco West.--12B—
-
- İqtisadiyyat
- 18 Oktyabr 2012 12:00
-
- İqtisadiyyat
- 18 Oktyabr 2012 12:00
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz