Dövlət Neft Fondu (ARDNF) Türkiyədə tikiləcək “Star” yeni neft emalı zavodunda aktivlərin 40%-ə sahib olacaq. Bu barədə Avropa Yenidənqurma və İnkişaf Bankının saytı məlumat verir.
İnformasiyaya əsasən, layihənin ümumi qiyməti $5,1 mlrd-dır. AYİB NEZ-in tikintisinə $150 mln kredit ayırmaq məsələsinə baxır, qalan vəsait başqa strukturlardan alınacaq.
NEZ-in tikintisi üçün Star Rafineri A.S birgə müəssisəsi yaradılıb. Burda 41,5% SOCAR Turkey-ə, 40% ARDNF-yə, 18,5% Turcas Petrol A.S. məxsusdur.
20 may 2013-cü ildə SOCAR Turkey İzmirdə $4 mlrd-lıq “Star” NEZ-i tikən konsorsiumla saziş imzalayıb. Konsorsiuma bu şirkətlər daxil olub: İspaniyadan Tecnicas Reunidas, İtaliyadan Saipem, Cənubi Koreyadan GS Engineering & Construction və Yaponiyadan Itochu. Obyekt saziş imzalanandan 51 ay sonra istismara veriləcək.
Əvvəllər ARDNŞ-də Turan-ın müxbirinə deyiblər ki, ARDNF “Star” NEZ layihəsində passiv oyunçu olacaq və yalnız ARDNŞ-nin payının müəyyən hissəsini maliyyələşdirəcək. ARDNF gələcəkdə bunun müqabilində ARDNŞ-nin mənfəətindən dividend əldə edəcək.
“Star” NEZ-in emal gücü ildə 10 mln ton neft olacaq.
ARDNF-nin 2013-cü il büdcəsinə əsasən, NEZ tikintisi layihəsində Azərbaycanın payının maliyyələşməsinə (o vaxt ARDNŞ, layihədə 81,5% ona məxsus idi - red.) 596,6 mln manat ayrılması planlaşdırılır (cari məzənnə ilə $761 mln). --12В--
İqtisadiyyat
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
-
Azərbaycan Dövlət Statistika Komitəsi bildirib ki, 2024-cü ildə əsas kapitala qoyulan investisiyalar 21 435,1 milyon manata çatıb ki, bu da 2024-ci illə müqayisədə 0,7% azdır. Ümumi göstəricilər bir qədər aşağı səviyyədə olsa da, sektorlararası bölgü neft və qaz sahəsi ilə qeyri-neft sənayesi arasında əhəmiyyətli fərqlilikləri ortaya qoyur.
-
Azərbaycanın sənaye müəssisələri və fərdi sahibkarları 2024-cü ildə sənaye istehsalında ötən illə müqayisədə 1,1%-lik mülayim artım qeyd edərək, istehsalın ümumi dəyərini 64,1 milyard manata çatdırdı. Dövlət Statistika Komitəsi ümumi artımı neft və qaz sektorunun 0,5%-lik genişlənməsinə, qeyri-neft və qaz sənayelərinin isə 7,3%-lik sürətli artımına borcludur.
Rəy yaz