Neft məhsullarının bahalanması istehlak qiymətlərinin artımı ilə nəticələnəcək

Reportyorların Azadlığı və Təhlükəsizliyi İnstitutunda aksiz və başqa malların tariflərinin artırılmasının nəticələri barədə ictimai dinləmələr keçirilib 

Tədbirin moderatoru, Turan agentilyinin direktoru Mehman Əliyev bidlirib ki, qiymətlər əsassız, hüquqi baza nəzərə alınmadan, ictimai müzakirəsiz, qəflətən qaldırılıb. Əvvəllər də belə olub. 6 yanvar 2007-ci ildə kommunal xidmətlər bahalananda dövlət başçısı xaricdə idi, bu ilin 3 dekabrında da məsuliyyət Tarif Şurasının üzərinə qoyulub. 

2014-cü ilin əvvəlində istehlak inflyasiyası, o cümlədən ictimai nəqliyyatda gediş, kənd təsərrüfatı malları, ərzq və qeyri-ərzaq malları bahalana bilər. Səbəb budur ki, real iqtisadiyyat inhisarçı məmurların əlindədir, - deyə Əliyev bildirib. 

Onun sözlərinə görə, Azərbaycan neft hasilatı çərçivəsində “AÇG” konsorsiumundan pulsuz 88 mlrd kubmetr qaz alıb. "Qazın mədəndən abunəçiyə çatdırılma dəyəri  min kubmetr üçün ən çoxu 10 manat təşkil edir. Amma əhali 100 manat ödəyir. Bundan başqa, ələ 2004-2006-cı illərdə bi sübut edirdik ki əhali ildə 1 mlrd kubmetr istifadə edir, amma "Azəriqaz" bu göstəricini 3 mlrd kubmetrə gədər şişirdirdı. Bu gün bu yalan ifşa olunur. O zaman qaz alan abunəçiılərin sayı 750 min idi, bu gün isə 1,5 mln. aşib. Rəsmi məlumata əsasən indi əhali ildə təhminən 2 mlrd. qaz istifadə     edir", deyə, Əliyev vuruğladı.

Emal müəssisələri yetərincə olmadığı üçün əhali təmizlənməmiş qaz alır, nəticədə zəhərlənmə və ölüm hadisələri olur. 

Hökumət qeyri-neft sektorunun xüsusi çəkisinin artmasından danışır, dünya və Avropa bazarlarında rəqabət edən istehsal gücləri yoxdur, inhisarçılıq baş alıb gedir. 

2014-cü ilin dövlət büdcəsinin gəlirlər hissəsi 18 mlrd 384 mln manat proqnozlaşdırılır. Bunun 50,8%-i və ya 9 mlrd 337 mln manat ARDNF-dən transfertlərdir. 

İnvestisiya layihələrinə 6 mlrd 281 mln 954,73 min manat ayrılır. Bu, səhiyyə, elm və təhsilə birgə ayrılandan xeyli çoxdur. Bu bənd büdcə xərclərinin 31,3%-i yeyəcək. Hökumət hər il yol və körpü tikintisinə milyardlarla vəsait ayırır. Sonralar onların təmirinə də külli miqdarda vəsait ayrılır. --17D-