Nodulyar dermatit müqavimət göstərir
Azərbaycan Kənd Təsərrüfatı Nazirliyi yanında Dövlət Baytarlıq Xidməti Sabirabad rayonunda iribuynuzlu heyvanlar arasında nodulyar dermatit virus xəstəliyinin (Dermatitis nodularis bovum) aradan qaldırılması üçün tədbirlər görür.
Xidmətin rəhbəri Siala Rüstəmova regiondadır və xidmətin əməkdaşları xəstəlik qeydə alınan kəndlərdə dezinfeksiya işlərini aparmaqla, heyvanlarda simptomatik müalicə tədbirlərini həyata keçirirlər.
Yerli fermerlər Turan-a bildirib ki, sentyabrın sonundan heyvanlar ölür və xəstəlik yayılır. Amma avqustda xidmət bəyan etmişdi ki, xəstəliyin yayılmasının qarşısı alınıb. Xəstəliyinin lokallaşdığı elan edildiyi zonalarda oktyabrın əvvəlində də heyvanların ölümü qeydə alınıb.
İLk dəfə virus Biləsuvar, Ucar, Cəlilabad, Ağdaş, sonra isə Bərdə, Samux, Laçın, Zərdab və digər rayonlarında yayılıb.
Bir neçə min heyvan xəstəəliyə tutulub. Onlarla mal-qara ölüb.
Kənd Təsərrüfatı Nazirliyi epidemiya zonasında bir neçə bazarı bağlasa da, kəsilmiş heyvanların ətlərinin satışının qarşısını almaq mümkün deyil.
Xəstə heyvanların ətinin insan üçün təhlükəsi barədə fikirlər fərqlidir. Bir şey aydındır ki, bu zonadan olan ət emaldan sonra satılmalıdır.
Baytarlıq Xidməti hesab edir ki, xəstəlik İrandan daxil olub. Mütəxəssislər deyir ki, bu xəstəlik keçmiş SSRİ məkanında yalnız Azərbaycanda yayılıb.
Beynəlxalq Epizootiya Bürosunun məlumatına görə, bu xəstəlik Rusiya üçün böyük təhlükə yaradır.
Уalimlərin fikrincə, xəstəlik zamanı temperatur 40°C-i keçir. Bu xəstəlik virus mənşəli olmaqla iribuynuzlu heyvanlarda qısa müddətli isitmə, dəri örtüyünün, limfa sisteminin, selikli qişanın zədələnməsi, dərialtı toxumalarda düyünlərin və nekrozların əmələ gəlməsi ilə səciyyələnir. Xəstəlik qansorucu həşəratlar vasitəsi ilə transmissiv yolla yalnız iribuynuzlu heyvanlar arasında yayılır. Xəstəlik heyvandarlıq məhsullarının, o cümlədən süd və ət məhsullarının azalmasına, gön-dəri məmulatının keyfiyyətinin aşağı düşməsinə səbəb olur. Xəstə heyvanların ölüm faizi 4-95% arasındadır.
İlk dəfə bu xəstəlik 1929-cu ildə Mərkəzi Afrikada yayılıb. İndi Afrikanın 19 ölkəsində müşahidə edilir. Türkiyə və İran üçün bu xəstəlik yenidir.—0—
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz