Növbədə 5 yeni metro stansiyası var

2013-cü ildə Bakı Metropoliteninin iki stansiyası istismara veriləcək, - bu barədə bu təşkilatın rəhbəri Tağı Əhmədov «Yeni Azərbaycan» siyasi partiyasının rəsmi portalına müsahibəsində məlumat verib. Onun sözlərinə görə, yerli Metropoliten bu nəqliyyatdan istifadə edən dünyanın 154 şəhəri arasında 41-ci yerdədir. Tikinti və genişlənmə templərinə görə situasiya daha yaxşıdır, - ehtimal edir o. Belə ki, ayrılan 600 mln manat hesabına yerli memarların və inşaatçıların gücü ilə «Nəsimi», «Azadlıq prospekti» və «Dərnəgül» stansiyalarının tikintisi başa çatıb, «28 May» stansiyasının ikinci çıxışı istismara verilib, «İçərişəhər» və «Koroğlu» stansiyaları yenidən qurulub. 

Yaxın vaztlarda şərti olaraq «Avtovağzal», «Memar Əcəmi-2», «Həzi Aslanov-2», «Köhnə Günəşli» və “Yeni Günəşli” (çıxışın yerləşdiyi yerə görə) stansiyalarının istifadəyə verilməsi hazırlanır.

AR Maliyyə Nazirliyinin büdcə proqnozlarına görə, gələn il Bakı Metropoliteninə itkiləri ödəmək üçün 29,2 mln manat həcmində dotasiya ayrılacaq. Bu, cari ildəkindən 6,4 mln. manat, yaxud 28% faiz çoxdur. 

Xatırladaq ki, 2009-cu ildə Bakı Metropolitenində gediş haqqı 4 dəfə (5 qəpikdən 20 qəpiyə qədər - 0,26 dollar) artırılıb. Əvvəllər Tağı Əhmədov iddia edirdi ki, gedişin maya dəyəri 49 qəpik (0,63 dollar) təşkil edir. --17D--