İyunda Azərbaycanın özəl sektorunda rekord işçi sayı qeydə alınıb – 619,3 min nəfər. Ötən ilin eyni dövrü ilə müqayisədə qeyri-dövlət sektorunda muzdlu işçilərin sayı 3,4% (20,8 min) artıb, deyə Dövlətstatkom bildirir.
İyulun 1-i üçün ölkə iqtisadiyyatında muzdla çalışan işçilərin sayı 1510,9 min nəfər olub. Bu, bir ay öncəkindən 100 nəfər çoxdur. Amma yanvardan mənzərə dəyişmir. O vaxt DSK 1 510,1 min nəfər muzdlu qeydə almışdı.
İqtisadiyyatın dövlət bölməsində 891,6 min nəfər çalışır. Bu, 1 iyun göstəricisindən 13,6 min azdır.
Hökumət bəyan edir ki, ölkədə işsizlər 236 min nəfər və ya əmək qabiliyyətli əhalinin 5%-i qədərdir. Müstəqil ekspertlər hesab edir ki, məşğulluq səviyyəsi süni şəkildə kənd yerlərində torpaq sahəsi olanların hesabına (850 min ailə) şişirdilir. Onların hesablamasına görə, ölkədə ən azı 0,5 mln işsiz var. Rəsmən 36,8 min nəfər (1 iyul 2014-cü il) işsiz kimi qəbul edilib. Bunların 2 459-u müavinət alır. 08D
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz