Parlament Hesablama Palatasının illik hesabatını qəbul edib

Bu gün Milli Məclisdə Hesablama Palatasının sədri Əsədovun hesabatı dinlənilib. Onun sözlərinə görə, ötən il 68 kompleks yoxlama keçirilib. 31 kollegiya iclası olub və 136 qərar qəbul edilib. Büdcə pullarının qaytarılması göstəricilərində yaxşılaşma var, deyə o bildirib. 

Büdcə strukturlarının pozuntularının xarakterik xüsusiyyətləri: auditdən yayınma, tender keçirməmək, smetaların şişirdilməsi, debitor borcu, sənədlərin düzgün aparılmaması və s. dir. 

Yoxlamalar nəticəsində dövlət büdcəsinə 4 mln 366,6 min manat. 48,6 min avro qaytarılıb. Bunun 668,4 min manatı və bütün valyuta məbləği nağd şəkildə qaytarılıb. Dillər Universiteti (1,5 mln manat) və Şəki şəhər Mədəniyyət İdarəsi (750 min manat) daha çox vəsait qaytarıb. 

1 mln 448,1 min manat kəsir müəyyən edilib. Hesaba alınmayan əsas vəsaitlər 88 mln 844,9 min manat (110 dəfə çox), debotor borcu 2 mln 635,6 min manat olub. 

Hesablama Palatası 43 mln 882,8 min manat debitor borcun bağlanmasına nail olub. 550 ştat, 280 sinif, 15 kafedra ixtisar edilib. 

44 vəzifəli şəxs işdən azad edilib, bir o qədəri şiddətli töhmət, 92 nəfər töhmət, 70 nəfər xəbərdarlıq alıb. 

Müzakirələrdən sonra hesabat qəbul edilib..--17D—