Son yenilənmə

(16 d. əvvəl)
"Paşa Həyat Sığorta" istehsalatda bədbəxt hadisələr üzrə birdəfəlik ödəniş edib

"Paşa Həyat Sığorta" istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta növü üzrə 37 min 793 manat sığorta ödənişi həyata keçirib. 

Şirkətin press-relizində deyilir ki, sığorta hadisəsi Azərbaycanda istehsalat sahəsində fəaliyyət göstərən müəssisələrin birində baş verib. Birdəfəlik sığorta ödənişi vəfat etmiş sığorta olunanın yaxınlarına ödənilib.

2013-ci ilin əvvəlindən şirkətin bu növ üzrə ödənişləri 142 min manatdan çox olub. 

«İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında» qanun 2010-cu ildə təsdiq edilib. 17 dekabrda Maliyyə Nazirliyi normativ-hüquqi aktları təsdiq edib. 

2010-cu ilin noyabrında Nazirlər Kabinetinin təsdiq ertdiyi tariflərlə iqtisadi fəaliyyət növləri 14 risk dərəcəsinə bölünüb. Müəssisənin risk dərəcəsindən asılı olaraq sığorta ödənişi həcmi 0,2%-2%-dir. 

Qanuna əsasən, sığorta tarifi müəssisənin maaş fonduna köçürülür. Qanun 3  sığorta ödənişi növünü nəzərdə tutur: aylıq, bir dəfəlik və əlavə. 

«Paşa Həyat Sığorta» 2011-ci ilin fevralında faktik fəaliyyətə başlayıb. 

Təsisçisi «Pasha Holding» kommersiya strukturu, nizamnamə kapitalı 15,05 mln manatdır --17D—

 

Rəy yaz

İqtisadiyyat

Bizi sosial şəbəkələrdə izləyin

Xəbər lenti