“Qarant İnvest” broker şirkətinin yaranmasından bir il ötür. Şirkət beynəlxalq maliyyə bazarlarında investisiya almaqda müştərilərə vasitəçilik edir.
Şirkətin direktoru Fərid Səttarovun sözlərinə görə, bu 1 il şirkət bir sıra investora xarici şirkətlərin səhmlərinin alınmasında yardımçı olub, həmçinin İsveçrə bankı ilə əməkdaşlığı sahəsində bazara “Foreks” məhsullarını təqdim edib.
«Qarant Invest» Şirkət Azərbaycanda yeganə lisenziyalaşdırılmış və fəaliyyəti xarici investisiyalara yönəlmiş broker şirkətidir.
«Qarant Invest» investisiya və broker fəaliyyətindən başqa, maarifləndirici tədbirlər də keçirir. Şirkət maliyyə analizi və investisiya sahəsində Azərbaycan İqtisad Universiteti və Qafqaz Universitetində təlim və seminarlar təşkil edir.
İl ərzində “Qarant İnvest” broker şirkətinin seminar və təlim keçdiyi tələbələrin sayı minə yaxın olub.
«Bu ili uğurlu sayıram, 5 illik lisenziya aldıq. Bundan başqa, qısa müddətə şirkət inkişaf edib», - deyə Səttarov bildirib.
Bundan başqa, şirkət saytında «Forex Weekly» bülletenini yerləşdirir.
Qeyd edək ki, “Qarant İnvest” broker şirkəti 2011-ci ildə “ZQAN Holdinq” tərəfindən yaradılıb. Şirkət 2011-ci ilin noyabrında Qiymətli Kağızlar üzrə Dövlət Komitəsi tərəfindən 5 il müddətində broker fəaliyyəti ilə məşğul olmaq üçün lisenziya alıb. --17D—
İqtisadiyyat
-
Dövlət Gömrük Komitəsinin məlumatına görə, bu ilin ilk on bir ayı ərzində Azərbaycan dəmir yolu ilə 6,96 milyon ton yük daşımış və bu yüklərin dəyəri 3,01 milyard dollar təşkil etmişdir. Bu, 2023-cü ilin eyni dövrü ilə müqayisədə həcm baxımından 4%, dəyər baxımından isə 10,1% azalma deməkdir.
-
Azərbaycan Respublikasının Nazirlər Kabineti ölkənin rəqabət qanunvericiliyi çərçivəsində sazişlərin təsdiqlənməsini tənzimləyən qaydalar qəbul edib. Bu addım hüquqi çərçivəyə uyğunluğu artırmaq və bazar şəffaflığını gücləndirmək məqsədi daşıyır.
-
Erməni işğalından azad edilmiş ərazilərin bərpası ilə bağlı Azərbaycanın ambisiyalı proqramı geniş şəkildə bir mənbədən satınalma metodlarından istifadə edilməsi səbəbindən diqqət çəkir və şəffaflıq və korrupsiya ilə bağlı narahatlıqlar yaradır.
-
Azərbaycan 2024-cü ilin yanvar-noyabr ayları ərzində buğda idxalının 2023-cü ilin eyni dövrü ilə müqayisədə 2% artdığını qeydə alıb ki, bu da daxili tələbatı ödəmək üçün xarici mənbələrdən asılılığın davam etdiyini göstərir. Bu artım, 2024-cü ildə daxili buğda istehsalının 148,100 ton azalması fonunda baş verir və idxal tədarükünə olan ehtiyacı daha da artırır.
Rəy yaz