Qazaxıstan Azərbaycanla ticarət-iqtisadi əməkdaşlıq haqqında saziş layihəsini təsdiqləyib
Bakı/16.08.22/Turan: Qazaxıstan hökuməti öz qərarı ilə Azərbaycanla ticarət-iqtisadi əməkdaşlıq haqqında saziş layihəsini təsdiqləyib, KazTAQ xəbər verir.
Saziş layihəsinə əsasən, “tərəflərdən hər biri öz dövlətinin ərazisində və öz dövlətinin qanunvericiliyinə uyğun olaraq, əməkdaşlıq edən təsərrüfat subyektləri üçün əlverişli şərait yaradır və qarşı tərəfin mənafeyinə xələl gətirə biləcək hərəkətlərdən çəkinir”. Bundan əlavə, tərəflər “təşkilati-hüquqi formasından və mülkiyyət formasından asılı olmayaraq təsərrüfat subyektləri arasında birbaşa əlaqələrin qurulmasına töhfə verirlər”.
“Qazaxıstan Respublikası Hökuməti ilə Azərbaycan Respublikası Hökuməti arasında ticarət-iqtisadi əməkdaşlıq haqqında Saziş çərçivə sənədidir, ticarət, investisiya, sahibkarlıq, ticarət balansının qorunması kimi sahələrdə əməkdaşlığın əsaslarını qoyur və tərəflər arasında mövcud ikitərəfli ticarət-iqtisadi əlaqələrin daha da inkişaf etdirilməsi və möhkəmləndirilməsi məqsədi ilə bağlanılır”, - sənədin izahatında deyilir.-0-
İqtisadiyyat
-
Türk Dövlətləri Təşkilatının (TDT) Ticarət-Sənaye Palataları İttifaqı (TSPİ) 26 dekabr tarixində Bakıda Baş Assambleyasını keçirdi, üzv dövlətlər arasında dinamik iqtisadi artımı və dərinləşən inteqrasiyanı önə çəkdi. Azərbaycan və TDT-nin digər üzv dövlətlərini təmsil edən iş dünyası və dövlət rəhbərləri ticarət, investisiya və regional əlaqə layihələrini müzakirə etdilər.
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
Rəy yaz