QHT alyansı: yerli özünüidarəetm sistemində islahatlar aparılmalıdır

“Bələdiyyələrin inkişafı naminə” qeyri-hökumət təşkilatlarının alyansı çərşənbə günü “Azərbaycan -2020”. Gələcəyə baxış” dövlət konsepsiyasında bələdiyyə institutunun perspektivləri necə görünür” mövzusunda “dəyirmi masa “keçirib.

Tədbir iştirakçıları yerlərdə yerli özünüidarəetmənin hakimiyyətin real strukturuna çevrilməsi üzrə alyans ekspertlərinin təkliflərini müzakirə ediblər. 

Qeyd olunub ki, yerli özünüidarəetmə institutlarının formalaşmasına və inkişafına hökumətin yanaşması xüsusi nikbinlik doğurmur. Sənəd yalnız bələdiyyələrin indiki səviyyədə institutional inkişaf potensialının möhkəmləndirilməsini və onların kadr bazasının yaxşılaşdırılmasını nəzərdə tutur. Hökumət yerli idarəetmədə vətəndaş iştirakının dərinləşdirilməsi ilə Avropa Şurasının tövsiyələrinə məhəl qoymur. Azərbaycan Avropa ölkəsində yeganə ölkədir ki, vahid paytaxt bələdiyyəsi yoxdur.

“Mülki cəmiyyətə doğru” İctimai Birliyinin rəhbəri Abil Bayramov Azərbaycanda beynəlxalq təcrübə əsasında və simbiozun yaradılması yolu ilə yerli özünüidarəetmə təşkilatının alternativ istiqamətlərini təqdim edib. 

Azərbaycanda yerli özünüidarəetmə birpilləlidir. QHT-nin layihəsində hər iki alternativ model yerlərdə ikipilləli idarəetməni nəzərdə tutur: birinci – bələdiyyə və rayon səviyyəsi, ikinci bələdiyyə və regional səviyyə. Hər iki model hakimiyyətin yerli səviyyədə bölgüsünü nəzərdə tutur.

A.Bayramov həmçinin qeyd edib ki, birinci mərhələdə icra hakimiyyətinin kəndlərdə və qəsəbələrdə təmsilçiliyini ləğv etmək və onların səlahiyyətlərini bələdiyyələrə vermək olar. 

Milli Məclisin deputatı Vahid Əhmədov, İctimai Təşəbbüslər Mərkəzi İctimai Birliyinin sədri Qubad İbadoğlu, Xalq Cəbhəsi Partiyasının sədrinin müavini Nurəddin Məmmədli və başqaları 

Yerli özünüidarəetmənin genişləndirilməsinə dair təşəbbüsləri dəstəkləyiblər. Eyni zamanda qeyd olunub ki, indiki siyasi şəraitdə yerli idarəetmə orqanlarının rolunun artırılması üzrə istənilən təklif hakimiyyət tərəfindən qəbul olunacaq.

İlk bələdiyyə seçkiləri 1999-cu ildə keçirilib. 2010-cu ildə bələdiyyələrin effektivliyinin artırılması məqsədilə onların sayı müxtəlif səviyyəli 2757 özünüidarəetmə orqanından 1718 bələdiyyə strukturuna çevrilib. Lakin icra hakimiyyətinin tam himayəsi altında olan bələdiyyələrin işində heç nə dəyişməyib.

--08C—