![Qiymətlər artmaqda davam edir (Video)](https://turan.az/resized/750/500/resize/media/2015/main/122300141269.jpg)
Qiymətlər artmaqda davam edir (Video)
Dekabrın 21-də manatın üzən məzənnəyə keçməsindən sonra bazar və mağazalarda hələ də stabillik yaranmayıb. Qiymətlər sürətlə qalxmaqda davam edir. İstər ərzaq, istərsə qeyri-ərzaq məhsullarının qiymətlərində o qədər xaotik müxtəliflik var ki satış müəssisələri də, alıcılar da çaşqınlıq içindədir.
Turan-ın müxbirlərinin Bakının bazarlarında və mərkəzi küçələrində yerləşən mağazalardakı müşahidələrinə görə, həm yerli məhsullar, həm də xaricdən idxal olunan məhsulların qiymətləri 40-100 faiz arasında qaldırılıb. Məişət texnikası, mobil telefonların qiymətləri 70-100 faiz arasında artırılıb.
Ərzaq məhsullarının qiymətləri 40-70 faiz arasında qaldırılıb. Hətta bəzi mağazalarda öncə 30 qəpiyə satılan “zavod çörəyi” indi 40 qəpik olub.
Bununla yanaşı restoranlar və şadlıq evlərində də qiymətlərdə 40-70 faiz artım qeydə alınmaqdadır.
“Biz bütün məhsulları bazar və mağazalardan alırıq. Orada qiymətlər qaldırılıbsa biz nə etməliyik? Hazırda qabaqcadan qiymət danışdığımız müştərilərlə də problemlərimiz yaşanır”, - şadlıq evlərindən birinin inzibatçısı Turan-ın müxbirinə deyib.
Müşahidəçilər hesab edirlər ki, ölkədə xaotik qiymət artımı insanların yerli satış müəssisələrinə etibarını azaldır.
“Azərbaycan hökumətinin siyasəti həmişə vətəndaşların xarici ölkələrə xeyir verməsinə yönəlir. Mərkəzi Bankın valyuta siyasəti və bazarlardakı xaotiklik və həddindən artıq qiymət artımı istehlak bazarında yeni iqtisadi mənzərəyə səbəb olub. Vətəndaşlar adi ehtiyaclarını qarşılamaq üçün kütləvi şəkildə qonşu ölkələrə - Gürcüstan, İran, Türkiyə və Rusiyaya üz tutacaq. Bu ölkələrdə ərzaq və tələbat malları Azərbaycanda olduğundan iki dəfə və daha çox ucuzdur”, - topdansatış müəssisələrindən birinin marketinq üzrə eksperti Turan-ın müxbirinə deyib. 10 min dollar həcmində malın rüsumsuz gətirilməsinə icazə verilib ki, bu da həmin ticarəti real edir.
Ekspertlər hesab edirlər ki, əgər hakimiyyət monopoliyanı aradan qaldırarsa bu, qiymətlərin enməsinə xidmət edər.-03В-
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz