2013-cü ilin I yarısında Azərbaycanda qiymətli kağızların dövriyyəsi 3 197,3 mln manat olub. Bu, ötən ilin eyni dövründəkindən 45% azdır. Bazardakı iflas AMB-nin notlarının ilkin yerləşdirilməsi həcminin (-393 mln manat və ya -70%) və onların repo və əks-repo əməliyyatlarının (-2 653 mln manat və ya -54%) azalması ilə bağlıdır, deyə Qiymətli Kağızlar üzrə Dövlət Komitəsində Turan-a bildiriblər.
I yarımildə dövlət qiymətli kağızları ilə 2 575 mln manatlıq (-54%) 323 əməliyyat aparılıb. Əqdlərin əsas hissəsi AMB-nin notları ilə repo və əks-repo əməliyyatların payına düşür. Maliyyə Nazirliyinin dövlət istiqrazlarının ilkin və təkrar dövriyyəsi üzrə əməliyyat həcmi (55,5 mln manat) bu il 50% artıb.
Bazarın korporativ seqmenti 2,7 dəfə artaraq 622,4 mln manata çatıb. Bağlanan əqd sayı (2583) 10,2% artıb.
Korporativ bazarın 44%-i səhmlərin (278 mln manat) payına düşür. Səhm bazarı 3,3 dəfə artıb. Səhm alqı-satqısı üzrə 445, o cümlədən təkrar bazarda 2 256 əqd bağlanılıb. I yarımildə 172 mln manat (+3,9 dəfə) qiymətində səhm yerləşdirilib. Bakı Fond Birjasının məlumatına görə, səhmlərin təkrar birja bazarı 4 590,7 min manat olub. Beləliklə, QKDK-ya görə, birjadankənar səhm dövriyyəsi 6 ayda 101,5 mln manat olub.
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz