Hilal Məmmədovun işi üzrə proses iyulun 17-nə keçirilib
Bu gün Bakı Ağır Cinayətlər Məhkəməsində “Tolışi sado” qəzetinin redaktoru Hilal Məmmədovun işi üzrə məhkəmə prosesində şahidlər çıxış etməli idilər. Lakin onlardan biri – Əziz Ağakişiyev 2012-ci il dekabrın 3-də vəfat edib. İkinci şahid Ülfət Abbasov Moskvadadır.
Bununla əlaqədar hakim Azər Orucov növbəti iclası iyulun 17-nə təyin edib və bugünkü iclası bağlamaq istəyib. Lakin H.Məmmədovun vəkilləri müttəhimin kirayədə qaldığı evdə həbsinə sanksiya vermiş Nizami polisinin müstəntiqi Ceyhun Kərimovun məhkəməyə dəvət olunması barədə vəsatət qaldırıblar.
Müdafiə tərəfi hesab edir ki, müstəntiq qanunu pozub, çünki sanksiyanı hakim verməlidir. Müstəntiqə sualların verilməsi zərurəti həm Polis İdarəsində, həm də evdə H.Məmmədovla bağlı axtarış zamanı eyni şahidlərin cəlb olunması ilə əlaqədar yaranıb.
Bundan əlavə, müdafiə tərəfi hesab edir ki, evdə axtarış aparılmasına əsas olmayıb. Müstəntiq isə öz qərarında H.Məmmədovdan narkotik maddə alanlar barədə məlumatların kompüterin yaddaşında qalmasının mümkünlüyünə istinad edib. Lakin ekspertiza zamanı istintaq bunu “unudub” və kompüter başqa məqsədlə yoxlanılıb. Dövlət ittihamçısı vəsatətin əleyhinə çıxıb və hakimlər onu təmin etməyiblər.
Hilal Məmmədov 2012-ci il iyunun 21-də həbs olunub. O, qanunsuz narkotik maddə saxlamaqda, dövlətə xəyanətdə, millətlərarası ədavəti qızışdırmaqda ittiham olunur. Lakin yerli və beynəlxalq təşkilatlar hesab edirlər ki, H.Məmmədov siyasi motivlərlə təqib olunur. —16C06—
-
- İqtisadiyyat
- 10 İyul 2013 14:51
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz