QKDK 250 mln dollarla bağlı sorğuya əhəmiyyət verməyib

Azərbaycanın biznes ictimaiyyətinə məlum olmayan “Mercury İnvestment and Holdings Ltd” şirkətinin 250 mln dollarlıq səhmlərinin qapalı şəkildə yerləşdirilməsi bir sıra suallar yaradıb və QK bazarının tənzimlənməsinə dair dövlət qurumunda bu suallara cavab vermək istəməyiblər.

Turan İA Qiymətli Kağızlar üzrə Dövlət Komitəsinə qiymətli kağızların emitenti, faiz dərəcəsi və digər sapektləri ilə bağlı yazılı sorğu göndərib. Üstəlik bu həmin xarici şirkətin Azərbaycan ərazisində QK-nın emissiyann qeydiyyata alınması ilə bağlı ilk fakt deyil: 2012-ci ilin avqust ayından bu şirkət ümumi məbləği 770 mln dollar olan dörd emissiyasını elan edib. Bu zaman QK-ın butun paketləri adı açıqlanmayan əvvəlcədən məlum investora satılması  planlaşdırılırdı.

“Mercury İnvestment and Holdings Ltd” şirkətinin təsisçisinin kimliyi və onun hansı layihəni maliyyələşdirdiyi məlum deyil. Qlobal şəbəkədə onun yalnız 2005-ci ildə Böyük Britaniyanın Men adasında qeydiyyata alınan offşor şirkəti olması barədə informasiya tapmaq olar.

Broker şirkətlərindən birindən Turana bildirilib ki, qanunvericiliyə əsasən, emissiyaların həcmi şirkətin aktivlərinin ikiqat həcmindən çox ola bilməz. Başqa sözlə, “Mercury İnvestment and Holdings Ltd”-in aktivləri 385 mln dollardan az deyil.

QKDK-nin məlumatına görə, 2012-ci ildə ABŞ dolları ilə emisssiya edilmiş korporatik istiqrazların yerləşdirməsinin həcmi 294,1 mln dollar, 2013-cü ildə 67 075,5 min dollar təşkil edib. Birinci rübdə yerləşdirmə olmayıb. 08B