QKDk-da QK bazarının inkişafı üzrə dövlət proqramının icrasının gedişi müzakirə edilib
Azərbaycan Respublikasının Qiymətli Kağızlar üzrə Dövlət Komitəsində (QKDK) “2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramının Tədbirlər Planının icra vəziyyətinin qiymətləndirilməsinə dair geniş tərkibdə Kollegiya iclası keçirilib.
QKDK-nın mətbuat xidmətində Turan-a deyiblər ki, institusional və qanunvericilik sahəsində görülən işlər, beynəlxalq təşkilatlarla əlaqələr (Dünya bankı, Avropa İttifaqı və s.), QK bazarında tendensiyalar üzrə təqdimat dinlənilib. Həmçinin orta müddətli dövrdə qarşıda duran vəzifələrin mexanizmi müzakirə edilib.
İclasda Milli Depozit Mərkəzi və Bakı Fond Birjasının nümayəndələri iştirak edib.
Qeyd edək ki, Qiymətli kağızlar bazarının inkişafı” Dövlət Proqramı qəbul ediləndən sonra depozitarların işinin avtomatlaşdırılması, bazarın peşəkar iştirakçıları ilə çoxtərəfli münasibətlər üzrə xeyli iş görülüb. "İnvestisiya fondları haqqında" qanun qəbul olunub. Amma hələ bir dənə də belə struktur yaradılmayıb. Kapital bazarı kasaddır. Ölkədə korporativ qiymətli kağızların kütləvi təklifi yoxdur. Ekspertlər bu ilin martından QK alqı-satqısı üzrə birjadankənar əməliyyatlar barədə məlumatları BFB-nin məxfi saxlamasını da tənqid edirlər.
Dünya Bankı və Azərbaycan hökuməti 2010-cu ildən "Azərbaycanda kapital bazarının modernləşdirilməsi" proqramını layihələşirirlər. Onun qiyməti $12 mln-dur. 08D.
-
- Siyasət
- 3 Sentyabr 2012 14:30
-
- İqtisadiyyat
- 3 Sentyabr 2012 14:57
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz