![QKDK yubileyini məhdud dairədə keçirir](https://turan.az/resized/750/500/resize/media/2013/main/090600048653.jpg)
QKDK yubileyini məhdud dairədə keçirir
Bu gün Bakıda “Yeni erada kapital bazarlarının tənzimlənməsi: Tənzimləyici və bazar institutlarına yenidən baxış” mövzusunda beynəlxalq konfrans keçirilir. Tədbir Qiymətli Kağızlar üzrə Dövlət Komitəsinin (QKDK) yaradılmasının 15-ci ildönümünə həsr olunub.
Turan Agentliyi 15 ölkədən 100-dən çox nümayəndənin iştirak etdiyi bu konfransın detalları barədə informasiya verə bilmir, çünki agentliyin müxbiri iclas zalına buraxılmayıb. Görünür, QKDK rəhbərliyi bayram təntənəsində onu tənqid edən subyekti görmək istəmir. Yubilyarı tənqid etmək üçün isə çox əsas var. Bu barədə aşağıda danışılacaq.
Qiymətli kağızlar bazarında tənzimləyici və nəzarət edici orqanın yaradılması barədə ölkə prezidentinin fərmanı 30 dekabr 1998-ci ildə imzalanıb. O vaxta kimi yalnız dövlət istiqrazları bazarı vardı, nəticədə 1000 səhmdar cəmiyyəti dövlətsizləşdirilib, onların səhmlərini 70 min nəfər alıb.
Bu gün ölkədə 2100-dən çox qiymətli kağız emitenti olsa da, şəffaf kapital bazarı formalaşmayıb. İqtisadçılar bildirir ki, o, iqtisadi sistemə adaptasiya olunmayıb. Ölkədə buraxılan investisiya qiymətli kağızların əsas hissəsi dövlətin payına düşür, bunlar isə dövriyyə vasitəsi deyil. QK bazarının 70%-i dövlət kağızları seqmentidir, burda Mərkəzi Bankın notları üstünlük təşkil edir.
Korporativ sektorda artım maliyyə şirkətlərinin hesabına baş verir (banklar və qeyri-bank kredit təşkilatları, sığorta və lizinq şirkətləri), onların kapitalına xüsusi tələb var. Təkrar səhm bazarında birja dövriyyəsi qeyri-mütəşəkkil bazardan xeyli geri qalır, bu isə onun şəffaflıq səviyyəsinin aşağı olmasına təsir edir. Praktika göstərir ki, QKDK 15 ildə QK bazarında tələb və təklif artımına nail olmayıb. Bazarda alternativ investisiya alətləri yoxdur. Qeyri-maliyə təşkilatları investisiya cəlb etmək üçün kapital bazarına müraciət etmir. Bu şəraitdə yalnız bir bankın Bakı Fond Birjasında listinqi var, müvafiq olaraq, birja indeksi yoxdur. İnvestorlar qiymətli kağızların qiyməti barədə dürüst informasiya almaq imkanından məhrumdur, nəticədə onlarla manipulyasiya geniş yayılıb.
Bu şəraitdə QKDK nəzarət funksiyasının da öhdəsindən gəlmir. Məsələn, fond birjasının üzərinə birjadankənar və insayder əqdlər barədə informasiya açıqlamaq funksiyası qoyulub. Amma BFB normativ aktlar qəbul ediləndən bəri bu tələblərə əməl etmir. Qeyri-maliyyə şirkətlərinin 5%-i illik hesabatı açıqlayır. Heç də bütün şirkətlər səhmdarların yığıncağını keçirmir. QKDK investorların hüquq və maraqlarını qorumaq üçün məhkəmə orqanlarına bir dəfə də müraciət etməyib.
Beynəlxalq struktur və institutların təzyiqi ilə (Aİ, DB və s.) qiymətli kağızlar bazarı üzrə yeni qanunvericiliyin Avropa standartlarına uyğunlaşdırılması üçün qanun layihələri hazırlanmayıb. Hökumətdə mühafizəkarların mövqeyi güclüdür, onlar biznesdə geniş təmsil edilib və bu bazarda şəffaflığın artırılmasında maraqlı deyillər. Ona görə qiymətli kağızlar bazarı, Mülki Məcəlləyə və İnzibati Xətalar Məcəlləsinə dəyişikliklər edilməsi haqqında qanun layihələri hökumət dəhlizlərində it-bata düşür.
QK ilə əməliyyatların avtomatlaşdırılması üçün görülən tədbirlərə baxmayaraq, kapital bazarının infrastrukturu zəif inkişaf edib. Mərkəzi depozitarın cəmi bir filialı var, brokerlər (14 şirkət) yalnız Bakıda fəaliyyət göstərir. QK bazarının peşəkar iştirakçıları assosiasiyası belə yoxdur. --08C—
-
- İqtisadiyyat
- 6 Sentyabr 2013 13:43
-
- Cəmiyyət
- 6 Sentyabr 2013 13:56
İqtisadiyyat
-
Azərbaycan Hava Yolları (AZAL) bazar ertəsi günü Bakından Maldiv adalarının paytaxtı Male şəhərinə birbaşa uçuşların başladığını elan edib. Bu, aviaşirkətin tarixində bir ilk olaraq qeyd edilir.
-
Azərbaycanın energetika naziri Pərviz Şahbazov bazar ertəsi Rumıniya energetika naziri Sebastyan-İoan Burdujanın dəvəti ilə Rumıniyaya gəlib. Səfərin məqsədi, Azərbaycan, Gürcüstan, Rumıniya və Macarıstan nazirlərinin 8-ci görüşündə iştirak etməkdir. Bu görüş 3 sentyabr 2024-cü ildə Buxarestdə keçiriləcək və yaşıl enerjinin inkişafı və ötürülməsi ilə bağlı “Strateji Tərəfdaşlıq Sazişi”nin irəlilədilməsinə yönəlib.
-
Azərbaycan Prezidenti İlham Əliyev və Birinci Xanım Mehriban Əliyeva bazar ertəsi Kəlbəcər rayonundakı “İstisu” Tibb və İstirahət Kompleksində aparılan tikinti işləri ilə tanış olublar. Bu layihə, regionun tarixi mineral su və sağlamlıq turizmi sənayesini canlandırmaq məqsədi daşıyan mühüm bir layihədir.
-
Əvvəl xəbər verildiyi kimi, SOCAR sentyabrın 1-də Xorvatiyaya qaz tədarükünə başlayıb.
Rəy yaz