![Rövnəq Abdullayev: «SOCAR Gürcüstan qarşısında götürdüyü bütün öhdəlikləri yerinə yetirir»](https://turan.az/resized/750/500/resize/media/2016/main/011400143385.jpg)
Rövnəq Abdullayev: «SOCAR Gürcüstan qarşısında götürdüyü bütün öhdəlikləri yerinə yetirir»
“Biz Gürcüstan hakimiyyəti qarşısında götürdüyümüz bütün öhdəlikləri yerinə yetiririk”, - SOCAR prezidenti Rövnəq Abdullayev “Rustavi 2” telekanalına müsabisəsində deyib.
Gürcüstanın baş naziri Georgi Kvirikaşvili və hökumət üzvləri ilə görüşünün yekunlarından danışan R.Abdullayev deyib ki, “danışıqlar yaxşı keçib”. “Qəbula görə Gürcüstan hakimiyyətinə təşəkkür edirəm. “SOCAR Gürcüstan” layihəsi yaxşı fəaliyyət göstərir. Biz Gürcüstan hakimiyyəti qarşısında götürdüyümüz bütün öhdəlikləri yerinə yetiririk. Çətinliyə baxmayaraq, neft və qazın qiymətilə bağlı öhdəlikləri yerinə yetiririk.
Danışıqlara gəlincə, bu, bəzi texniki problemlərə aiddir. Energetika Nazirliyi ilə birgə çalışaraq onları həll edirik”, - E.Abdullayev vurğulayıb.
SOCAR rəhbəri Tbilisiyə yanvarın 13-də gedib və 14-də geri dönəcək.
Xatırladaq ki, Gürcüstan hakimiyyəti Azərbaycan qazının bir hissəsindən imtina etmək və Rusiyanın “Qazprom”şirkətindən qaz almaq istəyir. Bu, Gürcüstanın özündə etiraza və Azərbaycan tərəfdə bir sıra sualların ortaya çıxmasına səbəb olub.
Gürcüstanın əvvəlki baş naziri Qaribaşvili Bakını inandırıb ki, imtina olmayacaq. Lakin bu vədlərdən sonra istefa verib.
Gürcü mənbələr bildiriblər ki, “Qazprom”a ölkənin faktiki rəhbəri milyarder Bidzina İvanişvili lobbiçilik edir.
R.Abdullayevin Tbilisidə danışıqlar Gürcüstan hakimiyyətinin mövqeyinə aydınlıq gətirməlidir.02D-
-
- İqtisadiyyat
- 14 Yanvar 2016 11:03
-
- Siyasət
- 14 Yanvar 2016 12:49
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz