Rüfət Aslanlı: «Banklar öz vəsaitlərini geri ala bilməsələr onları «Bank Standart»ın taleyi gözləyir
Banklar insanlara zülm edir. Bizə çoxsaylı şikayətlər daxil olur. Bu barədə deputat Əli Məsimli parlamentin iqtisadi siyasət, sənaye və sahibkarlıq üzrə komitəsinin iclasında bildirib.
Turan-ın məlumatına görə, deputat qeyd edib ki, devalvasiyadan sonra kreditlər üzrə insanların qaytaracağı məbləğ artıb.
“Müştəri var ki, 9300 dollar məbləğində kredit götürüb, onun müəyyən hissəsini ödəyib. Devalvasiyadan sonra bank ona deyir ki, sən 14 min manat əlavə ödəməlisən. Belə çıxır ki, müştəri 9300 dollar kreditə görə, 23 min manata yaxın kredit ödəməlidir. Maliyyə Bazarlarına Nəzarət Palatası bankların yox, insanların tərəfində olmalıdır”.
Maliyyə Bazarlarına Nəzarət Palatasının Direktorlar Şurasının sədri Rüfət Aslanlı onun fikri ilə razılaşmayıb, Azərbaycan banklarının öhdəliklərini xarici valyuta ilə həyata keçirməkdə problemləri var.
“Devalvasiyadan əvvəl xarici valyutada öhdəliklər ümumi öhdəliklərin 47%-ni təşkil edirdi. Devalvasiyadan sonra manat ifadəsində ödəniş ikiqat artıb. Amma nəzərə almaq lazımdır ki, banklar öz sərvətləri hesabına kredit verməyib”, deyə o bildirib.
R.Aslanlı qeyd edib ki, kredit yatırımları 16 mlrd. manat təşkil edir, bu vəsait əhalidən biznes üçün depozitlər hesabına cəlb edilib.
“Depozitlərin 80%-i valyuta ilə yerləşdirilib. Banklar öz vəsaitlərini geri ala bilməsələr,onları “Bank Standart”ın taleyi gözləyir. Biz dollarla kreditləşmənin məhdudlaşdırılması hesabına problemin böyüməsinin qarşısını aldıq”, deyə palata sədri qeyd edib.
Əhalinin sığortalanmayan əmanətlərinə gəlincə, R.Aslanlı bildirib ki, onlar şüurlu şəkildə buna qol çəkiblər.
““Bank Standart”da “Uşaq əmanəti”nə görə ildə 20% xarici valyutada faiz ödənilib. Bəli, o qədər dəyər yaratmaq mümkün deyil. Bəri başdan bəllidir ki, bu 20%-lik depozit itəcək”, deyə o bildirib. -71В-
-
- Siyasət
- 21 Oktyabr 2016 15:12
-
- Mədəniyyət
- 21 Oktyabr 2016 16:11
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz