“Rosneft” şirkəti ilə danışıqlar zamanı Novorossiysk-Bakı neft kəməri ilə 5 mln. ton neftin daşınması ilə bağlı razılıq əldə olunub. Bu neftin bir hissəsi Bakıda emal ediləcək, bir hissəsi Bakı-Ceyhan neft kəməri ilə Avropa bazarlarına nəql olunacaq. Bu barədə SOCAR-ın prezidenti Rövnəq Abdullayev jurnalistlərlə söhbətində bildirib.
Bu əməkdaşlığın məqsədini açıqlayan R.Abdullayev deyib ki, “Rosneft” dünyanın ən iri şirkətlərindən biridir, hər il 200 mln. tondan çox neft hasil edir. “Bu gün iki şirkət arasında neftin qarşılıqlı satışına dair məsələlər üzrə tərəfdaşlıq qurulur”, - R.Abdullayev vurğulayıb.
Xatırladaq ki, Azərbaycan yataqlarından neft Bakı-Tbilisi-Ceyhan neft kəməri ilə Türkiyəyə Aralıq dənizi sahillərinə nəql olunur və oradan tankerlərdə Avropa və Asiyaya daşınır.16D-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz