Sabah «TransCaspian» 2014 sərgisi açılır

 İyunun 12-dən Bakı Ekspo Mərkəzində 13-cü Beynəlxalq nəqliyyat, tranzit və logistika (“TransCaspian-2014”), 4-cü Xəzər Beynəlxalq yol infrastrukturu və ictimai nəqliyyat (“Road and Traffic-2014) sərgiləri açılacaq.

Bu gün təşkilatçı Iteca Caspian şirkəti Nəqliyyat Nazirliyinin iştirakı ilə mətbuat konfransı keçirib. Bu il TransCaspian və Road and Traffic-də 16 ölkədən 104 şirkət iştirak edəcək. xarici eksponentlər iştirakçıların 50%-i təşkil edir.

TransCaspian Qafqazda vacib nəqliyyat forumudur. O, Azərbaycanda nəqliyyat infrastrukturunun inkişafına, tranzit yüklərin Azərbaycan ərazisindən daşınması üçün imkanların nümayiş etdirilməsinə və yük sahibləri üçün ən optimal daşıma variantlarının müəyyənləşdirilməsinə kömək edir, deyə Iteca Caspian-ın icraçı direktoru Fərid Məmmədov bildirib.

“TransCaspian 2014” ekspozisiyasının tərkibinə Azərbaycan, Belarus, Gürcüstan, Çin, Rusiya, Fransa, Çexiya və İsveçrədən şirkətlər daxildir. Ardıcıl olaraq dörd ildir ki, sərgidə Latviyanın milli stendi də iştirak edir. Builki iştirakçılar arasında Latviya Dəmir Yolları, Gürcüstan Dəmir Yolları, “Access Trans”, “Alstom Transport”, “BM Logistics”, “EGT Express”, “GA Logistics”, “Liebherr”, “Murphy Shipping LLC”, “Rosen International Logistics CO.”, “L-expressis LLC”, “AztransOil”, “TransQafqaz Transport”, “Transmaşholdinq”, “Ram Trans Group” və bir sıra digər nəqliyyat şirkətləri iştirak edir.

Əvvəlki illərdə olduğu kimi, sərgidə həm də Azərbaycanın dövlət nəqliyyat strukturları – “Azərbaycan Dəmir Yolları” QSC, “Azərbaycan Xəzər Gəmiçiliyi” QSC və Dövlət Avtomobil Nəqliyyatı Xidməti iştirak edir.

Nəqliyyat Nazirliyinin ictimai əlaqələr şöbəsinin rəhbəri Namiq Həsənov qeyd edib ki, ilin sonu üçün Bakı-Tbilisi-Qars dəmir yolunda müasir sərnişin vaqonları işləyəcək. Bakı-Böyük Kəsik istiqamətində qatarların sürəti 100 km/saatdan yüksək olacaq.

4-cü Xəzər Beynəlxalq Yol infrastrukturu və İctimai nəqliyyat “Road and Traffic 2014” sərgisində Azərbaycan, Almaniya, İtaliya, İspaniya, Sinqapur, Türkiyə, Ukrayna, Çexiya və digər ölkələrin şirkətləri tərəfindən regionun yol infrastrukturunun geniş mənzərəsi nümayiş etdirilir. Sərgidə “Azəryolservis”, Dövlət Avtomobil Nəqliyyatı Xidməti, Nəqliyyatı İntellektual İdarəetmə Mərkəzi, “Almix Asia”, “AZD Praha”, “Azerinshaat”, “Baku Taksi”, “Controls S.R.L.” və ictimai nəqliyyat sektorunda çalışan bir çox digər şirkətlər iştirak edir. Road and Traffic-2014” sərgisinin sponsoru isə “AzVirt” şirkətidir.“TransCaspian 2014” və “Road and Traffic 2014” sərgilərini işgüzar proqram müşayiət edəcək. Belə ki, 13 iyunda 2-ci Xəzər Beynəlxalq “Yol və yeraltı infrastruktur - urbanizasiya problemlərinin həlli yolları” mövzusunda konfrans keçiriləcək. 12 iyun tarixində isə “RM Reyl” şirkəti dəmiryol sektorunun mütəxəssisləri üçün Bakı Ekspo Mərkəzində seminar keçirəcək. Sərgilər 14 iyuna qədər davam edəcək. 08C