«Şahdəniz-2» çərçvəsində platformanın dayaq blokunun dənizə yola salınması mərasimi keçirilib
Sentyabrın 1-də Azərbaycan prezidenti İlham Əliyev Bakı dərin özüllər zavodunda “Şahdəniz-2” layihəsinin hasilat və dikborular platformasının dayaq blokunun dənizə yola salınması mərasimində iştirak edib. Bu barədə dövlət başçısının saytı məlumat verib.
Dayaq blokunun çəkisi 13 min 150 ton, hündürlüyü isə 105 metrdir. Blok 12 hasilat, 3 ixrac dikborusundan və bir idxal dikborusundan ibarətdir. Dayaq bloku suyun 94 metr dərinliyində quraşdırılacaq. Blok “BOS Shelf”, “Star Gulf” və “Saipem” konsorsiumları tərəfindən inşa edilib. Tikinti işləri iki il davam edib.
Müqavilə 2014-cü il aprelin 10-da Bakıda imzalanıb. Müqavilə dəyəri $750 mln. təşkil edir.
BP-dəki məlumatlı mənbələrdən Turan-a bəlli olub ki, sonradan sonradan ikinci dayaq bloku da göndəriləcək.
2017-ci ilin yayında həmin dayaq blokları quraşdırılacaq və platformanın yuxarı modulları montaj ediləcək. Bir ildən sonra “Şahdəniz-2” layihəsi çərçivəsində hasilatın təminatına başlanılacaq.
Qeyd edək ki, ilk dəfə Xəzərdə karbohidrogen hasilatı (qaz və kondensat) platformadan həyata keçirilməyəcək. Kontrakt meydançasında dəniz dibinin çox dərin olması ilə əlaqədar (550 metr) platforma yatağın dərin olmayan hissəsində quraşdırılıb, hasilat isə monifoldların (sualtı hasilat üzrə robotlaşdırılmış sistem) vasitəsilə həyata keçiriləcək və karbohidrogenlər öncə platformaya çatdırılacaq, ilkin emaldan sonra Səngəçal sahil terminalına nəql olunacaq.
“Şahdəniz” layihəsinin iştirakçıları: BP (operator, 28,8%), SOCAR (10%), Petronas (15.5%), “ЛУКОЙЛ” (10%), NICO (10%), TPAO (19%) və SGC Upstream (6,7%).
“Şahdəniz” konsorsiumunun səhmdarları 2014-cü il dekabrın 17-də Bakıda “Mərhələ -2” üzrə yekun investisiya qərarına imza atıblar.
“Mərhələ -2” layihəsi əlavə 16 mlrd. kubmetrin nəqli üçün iki platformanın inşasını, 26 sualtı quyunun qazılmasını, 550 metr dərinlikdə 500 kilometrlik sualtı boru kəmərlərinin çəkilməsini, Səngəçal terminalının və Cənub-Qafqaz boru kəməri magistralının (Bakı-Tbilisi-Ərzurum) genişləndirilməsini nəzərdə tutur. --12B--
-
- İqtisadiyyat
- 1 Sentyabr 2016 11:44
İqtisadiyyat
-
Azərbaycan Respublikası Dövlət Neft Şirkəti (SOCAR) sentyabrın 6-da ABŞ-ın neft sahəsi xidmətləri şirkəti Halliburton ilə əməkdaşlıq edərək Güneşli yatağının dərin su hissəsinin qalıq hidrokarbon potensialını yenidən qiymətləndirmək məqsədilə tədqiqat aparacaq.
-
Azərbaycan Respublikasının Qida Təhlükəsizliyi Agentliyi (AQTA) xarici yüksək risk qrupuna aid qida və yem istehsal müəssisələrinin rəsmi qeydiyyat prosesini irəlilətməkdə davam edir, agentlik cümə günü bildirib.
-
Azərbaycanın "Yaşıl Enerji Məkanı" İşçi Qrupu ölkənin 2022–2026-cı illər üzrə Sosial-iqtisadi İnkişaf Strategiyası çərçivəsində layihələrin icrasını nəzərdən keçirmək üçün növbəti hibrid iclasını keçirib, çərşənbə günü Energetika Nazirliyi məlumat verib.
-
Zəngin mədəni keçmişi olan tarixi Şuşa şəhərində cümə axşamı Dövlət Turizm Agentliyi, Şuşa Dövlət Təbiət Qoruğu və Milli Kulinariya Mərkəzinin birgə təşkilatçılığı ilə Beynəlxalq Qastronomiya Günü tədbiri keçirilib. Tədbir müxtəlif mədəniyyətlər və kulinariya ənənələri arasında körpü rolunu oynayıb, iftar süfrəsi ilə İslam dünyasının kulinariya zənginliyini nümayiş etdirib.
Rəy yaz